Informational Site From

CANADA.

View Post

Your Life Story Books/Novels

Apni zindagi par kitab likhwane ya apna novel likhwane ke liye rabta karain.

Order Your Own Book Now

Publish Your Articles

Send us your articles we will publish on laalgulab

Write

History - Yahan Dunya Ki Tarikh Ke Baray Mein Parhain

Advertise Here

← Sehat Se Mutaliq Topic | Health Articles

← Download HD Wallpapers Here

← Read All How To Posts Here

← Yahan Par Ja Kar Dunya Ke Shehar Dekhain

Wednesday, December 14, 2016

Koh Kaaf History In Urdu Information Koh Qaaf Story Koh e Kaaf Pictures Location

Lal Gulab     10:50 AM     No comments
Koh Kaaf History In Urdu Information Koh Qaaf Story Reality Ye Kahan Hai? Koh Kaaf ka zikar to aap ne bachpan mein bohat si kahaniyon mein suna ho ga jaisay aik badshah ki beti mehal ki chhat par ghoom rahi hoti hai to aik jin us ko utha kar koh Qaaf mein qaid kar daita hai. Badshah mukhtalif mumalik ke shehzadon ko is meham par rawana karta hai ke jo meri shehzadi ko wapas laye ga main us ki shadi apni beti se kar doon ga. Tou aik naik dil shehzada bhi is meham par rawana hota hai us ki mulaqaat aik buzurag se hoti hai jo us ki naik dili ki wajah se us ko aik angothi deta hain jis ki badoolat woh foran koh e qaf par pohanch kar jin ko maar kar shehzadi ko azad karwa kar wapas us ke watan le aata hai is tarhan shehzadi ki shadi us shehzade se ho jati hai.
Is tarhan ki millti jalti kahaniyan aap ne zaroor parhi hon gi lekin shayed aap ko maloom na ho ke" koh Qaaf " asal mein hai kahan? Bohat se doston ki farmaesh par aaj aap ko main koh kaaf ke bare mein khuch dilchasp maloomat faraham karon ga.

Koh Qaaf jis ko koh qafqaz bhi kehte hain aur english mein isay Caucasus Mountains kehte hain. Bahera Aswed aur bahera Qazwin ke darmain khitta qafqaz ka aik pahari silsila hai jo asia aur Europe ko judda karta hai. kabhi is ka shumaar Russia mein hota tha lekin Russia ke totnay ke baad ab yeh hissa cheechniya mein shumaar hota hai. Koh Qaaf ke pahari silsilay ki buland tareen chouti mount el baroos hai jo 18 hazaar 506 foot yani 5 hazaar 642 meter buland hai. Ye wazeh nahi hai ke koh kaaf ka silsila europe mein hai ya asia mein is liye ke ye koh kaaf ka pahari silsila kaafi taweel hai jo ke taqreeban 1100 kilometer lamba aur 160 kilometer choora hai.

Koh e kaaf ke shumali daman mein waqe chechnya ki choti si jamhooria jis ka raqba 15000 murabba km hai aur abadi 10 Lack se bhi kam sadiyon se roos se nabard azma raha hai.

Koh kaaf ka ye poora ilaqa solhween sadi se Iran, saltanat usmaniya aur zaar roos ke darmain kashmakash aur markon ka markaz raha hai lekin chechnya ke awam ne apni azaadi ki jung ka aaghaz us waqt kiya jub 18th sadi ke aakhir mein georgia ne moscow ke sath ittehaad kiya aur chechnya aik taraf junoob mein georgia aur shumal mein roos ke ghairay mein agaya.

Qafqaz ka pahari silsila shumali qafqaz aur mawra‌ qafqaz mein taqseem hota hai. Shumali qafqaz Russia ki sarzamen hai jabkay mawra qafqaz mein khud mukhtar riasatain Georgea, Armenia aur Azerbhaijan waqe hain. Qafqaz ke pahari silsilay mein 5000 meter se zayada lambay chand pahar hain sub se ounchay pahar El Bros aur kazback hain. In pahoron ki barf ki safaid chadar mein lipti hui do do chotiyan hain. Darasal ye pahar murda aatish fishan hain pahoron ki shakal, dhalwanon par garam gasson ka ikhraj aatish fishanon ke guzray waqt mein phatnay ki yaad dilatey hain.

Shumali qafqaz ke halaat mousmi tor par motadil hain ounchay pahar garam janoobi hawaon ko wahan nahi anay dete jabkay yun thandhi shumali hawae is ilaqay tak nahin pohanchtien. Jaray mein shumali koh kaaf mein karakay ki sardi nahin parti aur garmiyon mein darya e kobaan ki wadi mein chawal jesi fasal ugane ke liye sazgaar halaat hain. Wahan se shumal ki taraf chawal aur kahin nahi agaya ja sakta.

Shumali koh kaaf mein bohat zayada glaciers mojood hain aur mausam bahar mein jub un ki barf pighalnay lagti hai to muqami darya pani se bhar jatay hain is liye is sokhey ilaqay mein pani ki qillat ka masla kabhi nahin hota

Shumali qafqaz ka sub se bara darya cobaan hai. Qafqaz sahet bakhash hawa ka aik zakheera hai aur is ke manazar ko behad haseen qarar diya jaye tou ghalat nahin ho ga.

Pakistan, hindustan aur iran mein koh kaaf ke mutaliq jinon aur pariyon ke be shumaar qissay mashhoor hain jo na sirf awam mein seenah bah seenah muntaqil hotay rahay hain balkay bachon ki kahaaniyon mein baqaida likhay ja rahe hain. ho sakta hai koh kaaf jinnat ka maskon ho lekin tasdeeq karna mushkil hai. baqi Allah hi behtar jaanta hai ke is mein kitni sachai hai.

Note: Agar aap koh kaaf ki video dekhna chahte hain tou hamari team ne is pur israr alaqay par aik zabardast documentary banai hai jo aap hamare youtube channel par ja kar dekh sakte hain is video ko ab tak hazaron log dekh chukay hain aur is ki tadad daily barh rahi hai aap bhi hamain wahan join kar sakte hain.

Sunday, December 11, 2016

Jannat History In Urdu Information Jannat Ki Hoor Bagh Aur Jannat Ki Zindagi

Lal Gulab     10:12 AM     No comments
Jannat History In Urdu Information Jannat Ki Hoor Bagh Aur Jannat Ki Zindagi - Jannat Essay In Urdu: Is article mein aap jaan sakain ge ke jannat aur hooron ke bare mein bohat sari information Is article ko pura parhain kyun ke jannat ki maloomat ke lihaz se ye intihai shandar article hai.
Aaj is article mein aap sub ko jannat ki tafseel dene ka maqsad ye hai keh aap ke dil mein is ke husool ka shoq paida ho aur aap ache amal karne ki koshish karain aur is fani dunya ko akhrat ki zindagi par tarjih na dain.

Jannat Kya Hai - Allah Ta'ala ne apne bandon ko un ke ache ache amaal ka apne fazal o karam se badla aur inaam dene ke liye akhrat mein jo shandar muqam tayar kar rakha hai us ka naam jannat hai.

Jannat mein har qisam ki rahat o shadmani aur khushi ka samaan mojood hai. Sonay, chandi, moti aur jawahirat ke lambe choray aur unchay unchay mehl bane hue hain aur jagah jagah reshmi kapron ke khubsurat o nafees kheemay lage hue hain. Har taraf tarah tarah ke lazeez aur dil pasand mewon ke ghanay, shadaab aur sayadar darakhton ke baghaat hain aur un baghon mein sheereen pani, nafees doodh, umdah shehad ki nehrain jari hain.

Tarah tarah ke behtareen khanay aur tarah tarah ke phal fruit saaf suthray aur chamakdar bartanon mein tayar rakhe hain. Aala darje ke rehsmi libas aur sitaron se barh kar chamakte aur jagmagatay hue sone, chandi aur mooti o jawahrat ke zewrat, unchay unchay takht, un par ghaleechay aur chandniyan bichi hoi aur masnadain lagi hoi hain. Aish o ishrat ke liye hoorain hain jo intihai haseen o khubsurat hain.

Jannat mein har qisam ki be shumar rahatain aur nematain tayar hain aur jannat ki har nemat itni benazir aur is qadar be misal hai keh hum jannat ki tamam nematon ka tasawar bhi nahin kar sakte.

Jannati log bila rok took un tamam nematon aur lazaton se lutf andooz hon ge aur un tamam nematon se barh kar jannat mein sub se barh kar ye nemat milay gi keh jannat mein jannatiyon ko Allah Ta'ala ka deedar naseeb ho ga. Jannat mein na neend aye gi na koi marz ho ga na burhapa aye ga na maut ho gi. Jannati hamesha hamesha jannat mein rahain ge aur hamesha tandrust aur jawan hi rahain ge.
Ahl e Jannat khoob khayain piyain ge magar un ko peshab pakhana ki hajat na ho gi na woh thukain ge na un ki naak bahe gi. Bas aik dikar aye gi aur mushk se zayada khushbudar paseena bahe ga aur khana peena hazam ho jaye ga.

Jannati har qisam ke fikron se azad aur ranj o gham ki zehmaton se mehfooz rahain ge. Hamesha har dam aur har qadam par shadmani aur musarat ki fizaon mein shad o abad rahain ge aur tarah tarah ki nematon aur tarah tarah ki lazaton se lutf andooz hote rahain ge.

Jannat Kahan Hai? Where Is Heaven In Urdu Jannat In Islam
Jannat satwien asman ke uper hai kyun keh aik Hadees mein aya hai keh "Jannat ki chat arsh par hai."

Jannatain Kitni Hain?
Jannaton ki tadad 8 hai jin ke naam ye haim
1: Darul Jalal
2: Darul Qarar
3: Darus Salam
4: Jannat Adan
5: Jannat ul Mawa
6: Jannat ul Khald
7: Jannat ul Firdous
8: Jannat ul Naeem
 
Jannat Ki Manzilain
Hadees Sharif mein hai keh "Jannat ke 100 darjay hain aur har 2 darjon ke darmiyan aik 100 bars ki rah hai."

Jannat Ke Phatak
Hadees Sharif mein hai keh jannat ke phatak itnay bare bare hain keh us ke donon bazuon ke darmiyan 40 bars ka rasta hai magar jub jannati jannat mein dakhil hone lagain ge tou un phatakon par hajoom ki kasrat se tangi mehsoos hone lage gi.

Jannat Ke Baghaat
Islami kitabon ka mutalia karne ke baad mujhe maloom hua keh momin jub jannat mein jaye ga 70,000 aise baghat dekhe ga keh har bagh mein 70000 darakht hon ge aur har darakht par 70000 patay hon ge aur har patay ki chorai mashriq se maghrib tak ke barabar ho gi.
Aur aik riwayat mein hai keh jannat ke tamam darakhton ke tanay sonay ke hain.

Jannat Ki Emaratain

Jannat ki emaraton mein aik eent sonay ki aur aik ent chandi ki hai aur is ka gaara nahayat hi khushbudar mashk hai aur is ki kankriyan mooti aur yaqoot hain aur is ki dhool zafran hai.

Aur ye bhi marwi hai keh baaz emaratain Noor ki aur baaz yaqoot ki aur baaz zamurd ki hain.

Jannat Ki Nehrain Aur Hoz e Kausar
Jannat mein sheereen pani, shehad, doodh aur sharab ki nehrain behti hain.
Jub jannati pani ki nehar mein se piyain ge tou unhain aisi hayat milay gi keh phir unhain maut na aye gi aur jub doodh ki nehar mein se nosh karain ge tou un ke badan mein aisi tawanai paida ho gi keh phir kabhi laghar na hon ge aur jub shehad ki nehar mein se pi lain ge tou unhain aisi sehat o tandrusti mil jaye gi keh phir kabhi woh bimar na hon ge aur jub sharab ki nehar mein se pilaye jayain ge tou unhain aisa nishat aur khushi ka saroor hasil ho ga keh phir kabhi woh ghamgheen na hon ge.
Ye charon nehrain aik hoz mein gir rahi hain jis ka naam hoz e kausar hai yehi hoz Nabi Pak SAWW ka woh hoz e Kausar hai jo abhi jannat ke andar hai lekin qayamat ke din medan e mehshar mein laya jaye ga jahan Nabi Pak SAWW us hoz se apni ummat ko serab farmayain ge.

Jannat Ke Chashme 
In charon nehron ke ilawa jannat mein dusre chashme bhi hain jo insan ki soch se bhi kahin zayada khubsurat hain.

Ahl e Jannat Ki Umrain
Har jannati khawah bachpan mein mara ho ya burha ho kar wafat payi ho hamesha jannat mein us ki umar 30 hi bars ki rahe gi is se zayada kabhi us ki umar nahin barhe gi. Aur woh hamesha hamesha isi tarah jawan rehte hue aram o rahat ki zindagi basar karta rahe ga.

Jannatiyon Ki Biwiyan Aur Khadim
Adna darjay ke janati ko 80000 khadim aur 72 biwiyan milein gi aur us ke liye moti aur yaqoot ka itna lamba chorra khema gara jaye ga jitna keh Jabia aur Sana'a ke 2 shehron ke darmiyan fasla hai.

Hooron Ka Jalsa Aur Gana
Jannat mein hooron ka jalsa ho ga jis mein hoorein Is mazmoon ka gana sunaein gi ke
"hum hamesha rehne waliyan hain to hum kabhi fanaa nah hon gi. Hum chain mein rehne waleyan hain to hum kabhi ghamgeen nahin hon gi. Hum khush honay waliyan hain tou hum kabhi naraaz nah hua karain gi. Mubarak baad hai un ke liye jo hamare liye hon aur hum un ke liye hon.

Jannat Ke Bazaar

Har jummay ke din jannat mein aik bazaar lagey ga ke us mein shumali hawa chalay gi jo jannatiyon ke chehron aur kapron par lage gi tou un ke husn o jamal mein nikhaar peda ho kar woh bohat zayada khubsoorat ho jaien ge aur jab woh bazaar se palat kar apne ghar jayen ge to un ke ghar wale kahain ge keh tum to Khuda ki qisam! husn o jamal mein bohat barh gaye ho. Tou yeh log kahin ge ke hamaray peechay tum logon ka husn o jamal bhi bohat barh gaya hai.

Jannat Mein Allah Ka Deedar
Nabi Pak SAWW ka irshad hai ke jab janati jannat mein daakhil ho jaien ge Khuda ka aik munaadi yeh elaan kare ga keh aay ahl e jannat! abhi tumhare liye Allah ka aik aur wada bhi hai tou ahl e jannat kahin ge ke Allah ne humaray cheharon ko roshan nahin kar diya hai! kya Allah ne hum ko jahannum se nijaat de kar jannat mein nahin daakhil kar diya hai? tou munadi jawab de ga keh kyun nahin! phir aik dam jannati log Allah ka deedar kar lain ge tou jannatiyon ko is se zayada jannat ki koi naimat payari na ho gi.

Aay Allah hamaray gunahon ko  maaf farma aur hamain jannat ki nematon se sarfaraz farma Aameen.

Wednesday, December 7, 2016

Football History In Urdu Essay Football Information In Hindi Facts Soccer

Lal Gulab     9:49 PM     No comments
Football History In Urdu Essay Football Information In Hindi Facts Soccer: Aaj ka article kheelon par hai jo football par hai is article mein aap football ki tarikh, hairat angez waqiat aur football ke bare mein dilchasp haqaiq ke bare mein parh sakain ge.
  1. Football 476 qabal az masih ke ird gird cheen mein shuru hua.
  2. Zameen par sub se zayada kheela aur dekha jane wala kheel football hai.
  3. Ye kitna mashoor kheel hai is ka andaza is baat se lagaya ja sakta hai keh taqreeban 1 arab se zayada log football world cup ko apne tv par dekhtay hain.
  4. Coca cola company ne Ronaldinho's ko aik news conference mein jub pepsi peetay hue dekha tou unhon ne Ronaldinho's se foran apna muahda khatam kar diya.
  5. Aik andaze ke mutabiq football ke khilari aik match mein taqreeban 9 km se zayada dortay hain.
  6. Basketball se dilchaspi rakhne wale log ye jaan kar hairan hon ge ke sub se pehla basketball ka match football se kheela gaya tha.
  7. Aqwam e mutehda ke itnay rukan mumalik nahin jitnay fifa ke hain.
  8. America aur Canada mein football ko soccer ke naam se jana jata hai.
  9. 1964 mein peru mein referee ke aik faislay se fasadat shuru ho gaye jis ki wajah se 300 log halak ho gaye thay.
  10. Ye pakistan ke liye aik aizaz ki baat hai keh dunya mein sub se zayada kheelay jane wale kheel ke 2014 ke world cup muqablon mein jo football istemal hua usay pakistan mein banaya gaya tha.
  11. Is ke world cup ke muqablon mein aik match mein sub se zayada goal karne ki tadad 10 hai jo hungary ne salvador ke khilaf 1982 mein kiye thay.
  12. Jub 1994 mein America mein is kheel (sport) ke world cup ke muqablay hue thay tab un muqablon ke liye amreeca ko 30 million dollar yani pakistani 3 arab rupay kharch karne paray thay jabkeh 2014 ke almi cup ke muqable jo ke brazil mein hue in ke liye brazil ko 11 billion dollar yani Pakistani 1100 arab rupon se zayada kharch karne paray thay.
  13. Aik German khilari jis ka naam mesut ozil tha usay jub world cup jeetnay ke baad 3 Lack pound ki inami raqam mili tou us ne ye sari raqam brazil mein 23 bachon ki surgeriyon ke liye donate kar di thi.
  14. 1967 mein nigeria mein civil war 2 din ke liye rok di gayi thi kyun ke donon taraf ke log football ke star khilari pele ko aik numaishi match mein kheelta hua dekhna chahte thay.
  15. Aik liverpool ka fan aisa tha jub us ki team 2005 mein champions league ka final haar rahi thi aur pehle half mein us ki team ke khilaf 3 goal ho chukay thay aur us ki team koi goal na kar saki thi tab us ne dil bardashta ho kar khud ko maar diya tha magar agle half mein us ki team ne come back karte hue bohat  acha kheel paish kiya aur woh match jeet liya.
  16. Football mein sub se tez raftar goal kheel shuru hone ke 2 seconds baad hua tha.
  17. 2004 mein Indonesia mein anay wale tsunami mein jo 7 saal ka bacha bach gaya tha us ki taleem ka sara kharcha football ke star khilari cristiano ronaldo ne uthaya tha par dilchasp baat ye hai ke wohi bacha bara ho kar khud football ka khilari ban gaya jisay purtgal ke aik bare football club ne 2015 mein apni taraf se kheelni ki dawat di thi.
  18. Jo log is kheel ko shoq se dekhtay hain woh football ke khilari ronaldinho ko bohat achi tarah jantay hon ge ronaldino ne 13 saal ki umer mein hi media ki tawaja hasil kar li thi jub unhon ne aik match mein 23 goal kiye thay aur puray match mein 23 goal hi hue thay.
  19. Aap ye jaan kar hairan hon ge ke football ke sub se kam umer professional khilari ki umer sirf 20 maheenay thi jub usay belgian club ne sign kiya tha.
  20. Jub aik referee ne kheel shuru karne ke liye seeti bajai tou aik khilari jis ka naam lee todd tha us ne intihai khaleez gali nikal di thi us ki is harkat mein tohfay ke tor par refree ne usay red card dikha kar kheel se bahir kar diya tha jis ke sath hi usay sub se kam waqt mein lal card hasil karna ka aizaz bhi hasil ho gaya usay kheel shuru hone ke sirf 2 seconds ke baad hi red card dikha kar kheel se bahir kar diya gaya tha.

Sunday, December 4, 2016

Udne Wala Saanp In Urdu Flying Snake Urne Wala Sanp Hawa Mein Kaise Urta Hai

Lal Gulab     1:30 AM     No comments
Udne Wala Saanp In Urdu Flying Snake Urnay Wale Saanpon Ki Parwaz Ka Raaz Kya Hai: Urnay wale saanp sri lanka, india aur kayi dusre mulkon mein dekhe ja chukay hain is ke ilawa khuch pakistani logon ka bhi kehna hai ke unhon ne apnay alaqon mein aisay saanp dekhe hain jo urtay hain aur ye din mein ghanay darakhton par nazar atay hain aur jub raat hoti hai tou aksar logon ka kehna hai ke ye zameen par nazar atay hain. Science daano ne udne wale saanp ki parwaz karne ka raaz maloom kar liya hai. Janoob mashriqi asia ke janglaat mein paya jane wala nayaab sanp darakhton se uchal kar khcuh dair hawa mein urr sakta hai.
Science daano ka kehna hai ke yeh saanp apni jism ki shakal tabdeel kar letay hain taakay woh aero dynamic quwaten peda ho saken jin ke zariye yeh hawa mein tairtay hain.

Is tehqeeq par kaam karne walay Amrici university virginia tech professor jack socha ne kaha hai ke yeh saanp qudrati tor par hawa mein urnay ki salahiyat nahin rakhta magar jab woh darakht ki kisi shaakh se chhalang lagata hai to apni jasamat tabdeel kar laita hai jis ki wajah se hawa mein tairta jata hai.

Urrnay walay saanpon ki paanch iqsam hain jin ka taluq crysopeli family se hai. Mohqiqeen ka kehna hai ke ab unhein maloom ho gaya hai ke yeh saanp jungle ki zameen par girnay ki bajaye kaisay aik darakht se dosray tak urr kar poanch jatay hain. professor socha ka kehna tha ke jab yeh chhalang lagata hai to yeh apne sir aur dum ke darmiyan ke hissay ko chipta kar laita hai. Yeh asal mein apni pasliyon ko apne sir ki janib ghuma laita hai jis se woh bilkul chipta aur kaafi chora ho jata hai is ki choraai taqreeban dugni ho jati hai aur is ke jism ki shakal bohat mukhtalif ho jati hai.

Mohqiqeen ne phir un aero dynamic quwatoon ka jaiza liya jo yeh tabdeel shuda jismani shakal peda karti hain. Is kaam ke liye science daano ne aik plastic ka chipta saanp bana kar usay pani ke tank mein rakha. Professor socha batatay hain ke is ke oopar se behnay walay pani ki madad se hum ne is par asar andaz hone wali quwaton ko naapa is ke ilawa hum ne pani ke bahao ko lazer aur intahi taiz cameron ki madad se dekha.

Unhon ne bataya ke ye sanp jahaaz ke aik intahi chhootey par jitni aero dynamic quwat paida karta hai. Team ka khayaal hai ke yeh saanp unheen quwatoon aur hawa mein lehranay ki wajah se jungle mein urta chala jata hai.

Ye apna sir aik taraf se doosri taraf hilata hai ye laharen is ke jism ke aik hissay se dosray hissay tak jati hain, aur aisa lagta hai ke yeh hawa mein tair raha hai.
Team ko umeed hai ke un ki is tehqeeq se mutasir ho kar science daan aisay robot bana saken ge jo hawa mein asani se tair sakain.

Note: Agar aap urnay wale saanp par hamari banai hoi video dekhna chahte hain tou nechay diye hue hamare youtube channel mein ja kar flying snake par urdu zuban mein video dekhain aur hamain mazeed nayi videos ke liye wahan par join bhi kar lain subscribe kar ke.

Monday, November 21, 2016

Blackheads Khatam Karne Ka Tarika In Urdu Remove Blackheads Hindi Tips Home Remedy

Lal Gulab     1:37 PM     No comments
Blackheads Khatam Karne Ka Tarika In Urdu Remove Blackheads Hindi Tips Home Remedy: Face par honay walay black aur whiteheads chehray ko badnuma banatay hain yeh is soorat mein bantay hain jab chehray ke khulay masamon mein oil ya gandagi waghera jam jaye. Chehray se niklny wala oil (jo kay khaas tor par garmiyon ke mausam mein jald se kharij hota hai) blackheads ban'nay ki sab se barri wajah smjhajata hai nah sirf yeh balkay dead skin cell yani jild ke murda khaliyaat bhi is ki afzaish ka sabab ban satke hain. Black aur safaid heads mein wazeh tor par farq mehsoos kya ja sakta hai agar chehray ke massam bohat khulay hue hain to hwa mein mojood dust ya gandagi musalsal un masamon mein jama hoti rehti hai jis se baad azan woh siyah nuqtay ki shakal ikhtiyar kar leti hai yeh siyah nuqta black heads hota hai.
Matti Ka Mask
Multani matti mein qudrati madniyaat ka khazana paaya jata hai matti ke mask ko pani ya saib ke sirka ke sath mix karkay lagaya jata hai agar aap ki skin khushk ya hassas hai to mask ki patli teh lagayen is mask ko laganay ke baad aap ko yeh ehsas hoga ke aap ke chehray ki jald tihgt aur khachi hui hai. usay mukammal tor par khushk honay ke baad hi saaf karna matlooba nataij day sakta hai saaf karne ke baad chehre par koi acha moisturizer lgain kuch khawateen ko is mask se kharish ya allergy ki shikayat ho sakti hai aisa mehsoos honay ki soorat mein usay pani se foran saaf kar lein.

Anday Ki Safedi Ka Mask: Anday ki safeedi ka mask sab se asaan mask kehlata hai yeh mask waqti tor par nah sirf khulay masamon ko tihgt karta hai balkay un ki androoni safai bhi karta hai is ke istemaal se black heads ka dheeray dheeray khtama hota hai aur naye black heads ban'nay ka amal sust hokar khatam hojata hai yeh baat yaad rakhen ke anday ki safedi ko jab mask ke tor par lagayen to is ki intahi patli ya bareek teh chehray par lagayen.

Shehad Aur Doodh Ka Mask: Doodh aur shehad dono hi qudrati ajza par mushtamil behtaren ashiya hain un ka istemaal chehray ki jild ke liye har terhan se mufeed hai shehad mein anti bacterial ke ajza paye jaye hain jab kay doodh mein shaamil lectic acid skin ko naram aur taaza rakhnay mein madad deta hai black heads ke khtama ke liye bhi un dono cheezon ka istemaal faida mand rehta hai is ke liye aik table sapoon shehad mein aik tea sapoon doodh mila kar paste banalen is paste ko 5 se 10 seconds tak  microwavemein rakh kar halka garam karlen phir doobarah se achi terhan mix karein jab itna garam reh jaye ke aap usay chehray par bardasht kar saken tab usay istemaal karen aur 20 minute ke liye chorr den ta waqt ke khushk ho jaye is ke baad thanday pani se dho kar moisturizer laga lain mask utarney ke sath sath blackheads bhi nikal atay hain.
Darchini Aur Shehad Ka Mask: Dar chini powder aur shehad ka mixcher black heads ke khatmay ke liye herat angaiz kaam karta hai shehad jo ke anti bacterial salahiyat acne aur aap ko bacteria se daur rakhta hai jo chehray par daano ya acne ka sabab bantay hain jabkay darchini powder chehray ki jild ko shaguftagi aur taazgee bakhshta hai is mask ki tayari ke liye aik chamach dar chini powder mein aik table sapoon shehad mila lein aur chehray par jahan jahan blackheads hain wahan is ki patli teh lagayen is par saaf cotton ke kapray ki patti rakhen aur 3 se 5 minute ke baad is patti ki madad se mask khech kar utar len blackheads nikal jayen ge moisturizer ka istemaal karna kabhi mat bhoolein.

Lemon Ka Istemaal: Blackheads ke khatmay ke liye lemon herat angaiz kaam karta hai chehra ko achi terhan dhonay ke baad mutasirah jaghon par cotton baal ki madad se sirf lemoo ka ras lagayen aur das se pandrah minute taq ke liye chorr den is amal ko hafta mein 3 se 4 baar karen khaas tor se raat ko sonay se qabal usay laga liya jaye aur subah thanday pani se munh dho kar moisturizer laga kar is ka musalsal istemaal blackheads ka khatma kar de ga.

Baking Soda:Aik table sapoon baking soda thoray se pani mein achi terhan mix karlen ke aik patla sa amezah ban jaye. is paste ka chehray par massage karen yeh massage golai shape mein hona chahiye yeh massage kam az kam das minute taq jari rakhen aur phir saada pani se dho kar moisturizer lagain.

Bhaap Lenay Ka Amal: Black heads ke khtama ke liye is tareeqa istemaal ko sab se moasar samjha jata hai das se pandrah minute taq garam pani ki bhaap len aur phir thanday pani se chehra dho len is amal se massam khil jayen ge aur un mein phira mil aur gandagi bahar nikal jayen ge jis se chehra saaf ho kar nikhar jay ga.

Friday, November 18, 2016

Donald Trump History In Urdu Information Donald Trump Biography Hindi Thoughts

Lal Gulab     10:24 AM     No comments
Donald Trump History In Urdu Information Donald Trump Biography Hindi Thoughts: Donald Trump Ki Zindagi Kamyabion Aur Nakamiyon Se Bhara Safar: Shareer talib ilm, behtareen khilari, kamyab TV maizban, businessman, musannif aur ab American president ki zindagi ke 70 saal ki kahani kamyabiyon aur nakamiyon se bhara aik taweel safar hai.

Trump 13 saal ke thay tou kamray se chaqu mila, un ke walid ko tashweesh hoi tou fauji school mein dakhil karwa diya. Donald John Trump school mein baseball team ke kamyaab captain rahay. 14 June 1946 ko paida honay walay trump ne 1971 mein walid se raqam lay kar New York mein hotel khareeda, 1982 mein manhattan mein 28 manzila trump tower tameer kiya.

Unhon ne 1987 mein kamyaab karoobari tajarbaat par mabni kitaab 'Art Of The Deal' likhi aur lakhoon dollars aur shohrat kamai, jis ka andaza is baat se lagaya ja sakta hai ke 1989 mein release honay wali film "Back To The Future 2" mein villain ka kirdaar trmup ko mad e nazar rakh kar takhleeq kiya gaya tha.

Paison ki rail pail hui to trump ne aik airline shuru kar di aur phir "Trump Princess" ke naam se bahri kashti khareed li. 1990 ki kasaad bazari ney un ke kaarobar ko nuqsaan pohanchaya aur un ke khuch idaray dewalia ho gaye, trump ne himmat nahin hari aur airline aur kashti baich di aur entertainment ki duniya mein qadam rakh diya.

Unhon ne miss universe ki franchise khareed li, nakamiyon par bhi kitaab likh daali aur is doosri book "Art Of The Come Back" se bhi khasa paisa kamaya. Sun 2000 mein The Apprentice ke naam se TV show shuru kiya jo intihai kamyab raha. Naujawanon ko karoobar ke gur sikhanay ke liye trump university bhi banai.

Trump ne 1987 se sayasi safar ka aaghaz republican party se kiya, 1999 taq isi jamaat ke sath rahay, 2001 se 2009 tak Democratic Party ke sath rahay jabkay 2012 mein aik baar phir republican party ka hissa ban gaye. Kamyabiyon se faida uthatay aur nakamiyon se lartay Donald Trump ab duniya ke sab se barray samjhay jany walay ohday aur is se jurey imthehaan tak ja pohanchay hain. Un ki life ne unhain bila shuba un ki zindagi ka ab tak ka sub se bara ohda diya hai.

Wednesday, November 16, 2016

Rang Gora Karne Ka Tarika In Urdu Face White Karne Ke Totkay Hindi Upay For Face

Lal Gulab     12:04 PM     No comments
Rang Gora Karne Ka Tarika In Urdu Face White Karne Ke Totkay Hindi Upay For Face: Khoobsurat aur dilkash chehra aur gora rang paana har larki ki khwahish hoti hai bas thori si tavajja dainay se har koi apni shakhsiyat ko purkashish bana sktahe jild ko bunyadi tor par saaf suthra rakhna be hadd zurori hai kyunkay apke jild apke Umar ki akkaasi karti hai isi terhan harwakt ghusse mein rehne se nah sirf apke asaab balkay apki jild bhi mutasir hoti hai apke ravaye ki shaistagi aur narmi apki jild par musbet asraat muratab karti hai aur aap ki jild gori hoti jati hai zail mein rangat ko gora karne ke totkay bayan hain jinhen aap apni jild ki mutabqat aur pabandi se istemaal karen farq aap khud mehsoos karen gi.
  1. Tamatar, mooli, kheera ya kakri ka ras aur gulab ka pani, aadha aadha chamach aur chand qatray lemon ka rus mila kar us mein aik aik chai ka chamach makhan aur haldi mila kar chehray par lagayen aur jab khushk ho jaye to neem garam pani se dho len uskay baad thori si glycerine aur aur arq e gulab chehre par laga lain jild chikni, mulaem, saaf aur chamakdar ho jaye gi.
  2. 5 badam raat mein beeghoo kar subah chilka utaar kar bareek pees lein us mein thora sa arq e gulab aur 5 qutray chandan ka itar mila lein jahan kahin chehre par dhabbay hon rozana 3 baar lagayein aur jahan gehray dhabbay hon wahan zayada dair laga rehne dain.
  3. Nariyal ka pani rozana chehray par do baar laganay se chehray ke daagh dhabbay, mahasay waghera daur ho jatay hain.
  4. 2 chamach besan aik chamach glycerine, aadha chamach chandan pissa hua, haldi aadha chamach, arq e gulab aik chamach, doodh adha chamach, aur lemon ka rus chand qatray mila lein is ubtan ko chehray par malein is se aap ke husn mein izafah hoga.
  5. Rozana subah o sham chehray par kisi bhi achay tail se maalish karen raat ko aik sheeshay ke glass mein 2  chamachpissa hua anola bhigo dain aur subah chhaan kar is pani se mooo dho len is se chehray ki jhuriyan daur ho jaien gi.
  6. Kalay til aur haldi chothai, chamach le kar garam doodh ke sath pees len aur chehray par lagayein is se chaiyan door ho jati hain.
  7. Neem ke taaza pattay pees kar raat mein chehray par laga lain aur jab sookh jayen to thanday pani se dho len lagataar 50 din karne se chehray ke daagh dhabbay door ho jaien ge.
  8. Chaawlon ko bhigo kar is pani se muh dhonay se chehray ki chaiyan door aur rang saaf hota hai.
  9. Raat sonay se pehlay chehray par halkay halkay ghee se massage karen chehray ke siyah dagh daur ho jaien ge.
  10. Chuney ke atay mein arendi ka tail mila kar chehray par lagayein aur halkay haath se ragar lar kar dho len chaiyan waghera door aur chehra khobsorat ho jata hai.
  11. Jaiphal pees kar doodh mein mila kar laganay se chehra nikhar jata hai.
  12. Tulsi ke pattay aur lemon ka rus barabar miqdaar mein mila kar laganay se, chaiyan, mahasay aur siyah dhabbay theek ho jatay hain.
  13. Podina pees kar es ka ras nikaal kar subah adhay ghantay ke liye chehray par lagayen aur shaam mein tulsi ke pattay pees kar adhay ghantay taq lagayen uskay baad pani se dho len teen mahinay pabandi se karne se chehray par mojood siyan chaiyan daur ho jaien gi.
  14. Doodh se chehray par masaj karen aur adhay ghantay baad saaf pani se dho len is se apkee khoubsurti mein izafah hoga.
  15. Jild ki khoubsurti ke liye khoob pani piyeen pani andrni safai ke liye be hadd zurori hai.
  16. Dahi phent kar poray chehray par lgaian sookh jany ke baad halkay haath se mil kar saaf karlen aur thanday pani se dho len.
  17. Balai mein chand qatray lemon ka ras mila kar laganay se jild chikni aur mulaem hoti hai.
  18. Aadha cup jo ke aattay mein aik chamach balai aur aadha lemoo nichor kar thora sa pani mila kar paste banalen usay chehray, gardan par mil kar pandrah minute baad dho len rozana karen, chehra khobsorat lagey ga.
  19. Aik bara chamach besan aur aik chota chamach haldi aur thora sa tail shaamil karkay paste banalen aur jahan royain hon wahan milein daur ho jaien ge.
  20. Aik bara chamach multani matti, teen barray chamach dahi, aik chamach shehad mila kar chehray par lagayen yeh jild ki androoni safai karta hai band massam kholta hai aur jild ki androoni gandagi daur karkay usay saaf suthra banata hai.

Like Us

Company

Legal Stuff

FAQ's

Blogroll

Subscribe to Newsletter

We'll never share your Email address.
© 2016 Urdu Roman Hindi English Site. Online content. Published By LalGulab.com.