Dialogues Between Doctor And Patient In Urdu Mukalma Mareez Aur Doctor Par Conversation

  Lal Gulab      
Aaj aap ke liye mareez aur doctor par mukalma likha gya hai koshish hai ke yahan zayada se zayada mukalmay likhe jayain par is waqt 2 dialogues yani conversations write ki ja rahi hain. Agar aap ko kisi aur topic par bhi mukalma chahiye tou aap nechay diye hue section Dialogues mein jayain aap ko wahan saray mukalmay mil jayain gey.

Urdu Funny Dialogue Between Patient And Doctor 1

Mareez Aur Tabeeb  
Marez: Aslam o alaikum! Hakem sahab.  
Tabeb: Walekum aslam! Tashref rakhiye.  
Marez: Hakeem sahab! Tashref rakhna hi to mushkil hai.  
Tabeb: Kyu bhai aisi kya taklef hogai hai. 
Marez: Taklef hi taklef hai raat bhar pareshan raha hun ghari bhar so nahin saka.
Tabeb: Takleef to bhai taklif hi hai sehat theek na ho to chain nahin ata.
Marez: Khuch dawa bhi dijiye mara ja raha hun.
Tabeb: Bemari batao to dawa dun main aap ko.
Marez: Hakem sahab! pait mein sakhat dard hai bethe chain ata hai na laite.
Tabeb: Ye dard aap ko kab se hai aur is ke liye khud se tou koi dawa nahin li?
Marez: Aaj rat se dard mehsoos kar raha hon main aur maine koi dawa abhi tak is pait dard ke liye istemal nahin ki. 
Tabeb: Raat ko aap ne kya khaya tha jis ki wajah se aap ko pait dard hai?
Marez: Maine taqreeban bohat kam khaya tha bas aik roti ka tukra khaya tha.
Tabeb: Kya aap ne pehle kabhi roti nahin khai? Rat ki roti mein kya khas baat thi?
Marez: Raat ki roti mein khas bat ye thi ke wo jali hui thi.
Tabeb: Aray! Tum jali hui roti kha gae?
Marez: Sirf ek tukra khaya tha bhook kafi lagi hoi thi.
Tabeb: oho! Kya ap ki nazar kamzor hai lait jao tumhari ankhon mein daru dalta hun.
Marez: Nazar thek hai pait mein kuch daliye ta ke dard se jaan bache.
Tabeb: Wada karo ke aenda jali hui roti nahin khao ge.
Marez: So baar wada karta hun, Hae mera pait! ( tabiyat mashil ki ek goli marez ko khilata hai)
Marez: Hakem sahab! shukriya dard kum horaha hai mein jata hun.
Tabeb: O bhai tehro! Dawa ki qeemat to dete jao.
Mareez: Dawa ki qeemat dard se aram hi to hai.
Tabeb: Dawa ki qeemat daam bhi hain, jin se dawaen kharedi jati hen.
Marez: (Dawa ki qeemat ada karke) Asslam o alaikum! Hakem sahab.
Tabeb: Walekum Salam Roti khane se pehle dekh liya karo ke jali hui to nahin. (marez shukria ada karta hua chala jata hai).

Conversation Between Doctor And Patient In Urdu 2

Naeem: Hello doctor
Doctor: Aap kese hain naeem?
Naeem: Mujhe dil ki taklef hai.
Doctor: Meherbani kar ke apna coat utar dain main pehle apka dil aur phepre check karunga.
Naeem: Bilkul thek hai janab.
Doctor: Ap ke phepre to bilkul thek hen, lekin dil mein kuch kamzori hai. Kya ap zayada ghee mein tali hoi cheezain istemal kartay hain?
Naeem: Je han janab kya mere dil par is bat ka asar hua hai?
Doctor: Mera khayal hai ke aap ko ghee mein tali hoi cheezon se parhaiz karna chahiye aur light exercise karain aur sakhat warzish se parhez karen.
Naeem: Mujhe pehle hi warzish karne ki adat nhn hai.
Doctor: Tab tou aap ko subah sawere sair ko jana chahye aur sham ke khane ke baad bhi chehal qadmi karni chahiye ye raha aap ka nuskha.
Naeem: Nuskha lete hue buhat shukria docter sahab ye rahi aap ki fees.
Doctor: Shukriya janab mein umed karta hun ke ap meri hidayat par jaldi behtar hone ke liye amal karenge.
Naeem: Yaqeenan main zarur karunga janab.
logoblog

Thanks for reading Dialogues Between Doctor And Patient In Urdu Mukalma Mareez Aur Doctor Par Conversation

2 comments: