Dead Sea In Urdu Bahira Murdar Dead Sea Facts In Hindi - Samandar ki gehrai apne andar kayi
purisrar raaz chupaye hue hai jabkeh zameen par mojood science daan
sadiyan guzar janay ke bawajood bhi un raazon se parda nahin utha paye.
Taham aik haqeeqat ye bhi hai keh zameen ka tou aik bohat bara hisa
daryaft kiya ja chuka hai lekin samandar woh dunya hai jis ka ab tak
bohat bara hisa daryat hona baqi hai yani asaan alfaz mein ye keh
samandar ki gehraiyon mein jitnay bhi raaz chupay hain insan abhi tak us
ka sirf 5% hi jaan paya hai.
Aik
mashoor musanif jin ka naam H.P. Lovecraft hai unhon ne aik baar kaha
tha keh samandar paharon se bhi zayada qadeem hain aur yaadaashton aur
waqt ke khawabon ka bojh uthaye hue hain.
Samandar bohat se logon ki jaan lenay ka baes bhi ban chuka hai kyun keh
dunya mein bohat se log guzray hain jo is samandar mein doob kar apni
jaanon se hath dho baithay hain lekin kya apa ye baat jantay hain keh
dunya mein aik samandar aisa bhi hai jis mein agar koi insan chalang bhi
laga de tou bhi woh doob nahin sakta us samandar ka naam bahira murdar
hai. Aap yaqeenan ye janna chahte hon ge keh dead se kaha par hi tou is sawal ka jawab ye hai keh bahira murdar Israel aur Urdan mein waqe hai aur Urdon ko Jordan bhi kehte hain.
Jahan is samandar ne bohat se logon ki jaanain li hain wahin ye samandar
bohat se logon ka ghar chalanay ka baes bhi hai. Sadiyon se mahi geer
samandar ka seena cheer kar machliyan pakarnay ki koshish kar rahe hain
aur apne liye rozi talash kar rahe hain. Lekin kya aap ye baat jantay
hain keh dunya mein aik samandar aisa bhi hai jahan koi machli hi nahin
hai. G haan aap ne sahi suna dunya mein aik samandar aisa hai jahan
machli ka naam o nishan tak nahin hai.
Main baat kar raha hon usi
samandar ki jis ke bare mein maine aap ko abhi bataya hai yani bariha
murdar ki is samandar ko english mein dead sea ke naam se jana jata hai.
Ye Allah Ta'ala ke azab ki nishani hai ye qaum e loot par azab ke
natijay mein zahir hua. Allah Ta'ala ki narazgi ki wajah se is samandar
mein koi machli zinda nahin reh sakti zinda rehna tou door ki baat hai
is samandar mein koi samandari makhlooq paida nahin hoti. Is samandar
par log tafreh karnay atay hain lekin ye koi tafreh ki jagah nahin hai
ye ibrat ka muqam hai, ye Allah Ta'ala ke azab ki nishani hai.
Dead Sea ke bare mein aik haqeeqat ye bhi hai keh is samandar ke kinaron par jitna namak paya jata hai utna namak dunya ke kisi aur samandar ke kinare par nahin paya jata.
Page 1,
Page 2
No comments:
Post a Comment