Wednesday, February 3, 2016

History 1857 War Urdu Jang e Azadi 1857 War Of Independence Causes Effects In Urdu Asbab Revolt

Lal Gulab     2:20 PM     No comments

Hindi War Of Independence 1857 History In Urdu

1857 Ki Jang e Azadi Ke Asbab In Urdu Notes War OF Independence 1857 Summary Essay

Hindustaniyon ki angreez ke khilaf pehli jang e azadi ki musalah jang angrezon ne in war ko ghadar ka naam diya amooman is ke do asbab bayan kiye jatay hain. Pehla ye keh east india company ke hindustan ke tamam subay aur kayi riyasatain yakay baad deegray apni hukumat mein shamil kar li thien jis ki wajah se hindustaniyon ke dil mein company ke mutaliq shakook paida ho gaye dusra ye keh un dinon jo kartoos faujiyon ko diye jatay thay woh aam khayal ke mutabiq soor aur gaye ki charbi se alooda thay aur unhain bandokon mein dalne se pehle danton se katna parta tha. Musalman aur hindu fauji sapahiyon ne isay mazhab ke munafi samjha aur un mein khalbali mach gayi jin sapahiyon ne un kartooson ko istemal karne se inkar kar diya un ki fauji wardiyan utar kar unhain beriyan pehna di gayien un qaidiyon mein bohat se aisay thay jinhon ne angreezon ki khatir bari bari qurbaniyan di thien.

Waqiat - Incidents

Jang e azadi hind ka aghaz 1857 mein bengal mein damdam aur barak pur ke muqamat par hua jahan desi sapahiyon ne un kartooson ke istemal se inkar kar diya jin mein un ke khayal ke mutabiq soor aur gaye ki charbi lagi thi. Angreezi hukumat ne un sapahiyon ko ghair musalah kar ke fauji mulazmat se barkhast kar diya. Lucknow mein bhi yehi waqia hua barkhast sapahi mulk mein phail gaye aur faujon ko angreezon ke khilaf ubharne lage.

9 may 1857 ko merith mein aik regiment ke sapahiyon ko 10 saal qaid ki saza di gayi jis tareeqay se ye hukam sunaya gaya woh bhi tehzeeb se gira hua tha desi sapahiyon ne angreez officers ko halak kar ke un qaidiyon ko azad kara liya aur merith se dehli ki taraf barhne lage.

Merith ke sapahiyon ki dehli mein amad se dehli ki faujain bhi bigar gayien aur dehli ke mughal bahadur shah zafar ki taht nasheeni ka ilan kar diya is ilan ke baad baghawat ki aag door door tak phail gayi.

General Nicholas ne angrez faujon ki madad se taqreeban 4 maheenay tak dehli ma mahasra kiye rakha 14 september ko kashmiri darwaza tor diya gaya. General nicholas us larai mein mara gaya magar angrez aur sikh faujon ne dehli par qabza kar ke bahadur shah zafar ko giraftar kar ke rangon bheej diya. Un ke beton aur aik potay ko goli se ura diya gaya dehli par angreezon ka qabza ho jane se har jagah jang azadi ki raftar madham par gayi. March 1858 mein Lucknow par dobara angreezon ka qabza ho gaya. Dehli lucknow kanpur aur jhansi ke ilawa chand aur muqamat par bhi angreezon ke tasaraf mein agaye.

Jang azadi ka nara angreezon ko hindustan se nikal do tha is liye us mein tamam aisay anasar shamil ho gaye jinhon ne angreez se nuqsan uthaya tha mutzaad anasar aik mushtarka dushman ke khilaf ikathay hue thay lekin qaumiyat ke tasawwrat se na ashna thay. Bahadar Shah Zafar jis ki badshahat ka elan baghi sapahiyon ne kar diya tha na badshahat ki salahiyat rakhta tha aur na baghiyon ki mukhalfat karne ki taqat mazeed ye keh baghiyon ne dehli mein loot maar macha kar logon ki humdardiyan kho dien chunanchay 1857 ki ye jang nakam rahi.

1857 Jang e Azadi Ke Results Nataij Causes And Effects Of War of Independence 1857 In Urdu

Dehli ki fatah ke baad angreez faujon ne shehri abadi se khauf naak intiqam liya seenkron ko phansi charha diya gaya tha hazaron nafoos goliyon se ura diye gaye un mein mujrim bhi thay aur bay gunah bhi. Musalman bhi talwar ke ghat utar diye gaye aur hindu bhi lekin jald hi angreez fauj ke sikh sapahiyon ne qatal o gharat mein firqa warana rang bhar diya Musalman chun chun kar qatal kar diye gaye thay.

August 1858 mein bartanwi parliament ne elan malika victoria ke zariye  east india company ka khatma kar ke hindustan ko taj bartania ke sapurd kar diya. Jang ke baad khasoosan Musalman zair e aitaab aye jub keh Hinduon ne mukamal tor par angreez se mufahmat kar li youn Musalmanon par jadeed ilm ke darwazay band kar diye gaye aur khud Musalman bhi nayi dunya se door hote chale gaye aise mein Sir Syed jese log samne aye jinhon ne is jang e azadi ki wajuhat par roshni dali aur angreezon par zor diya keh hindustaniyon mein mojood ehsas mehroomiyon ko door kar ke hi angreez yahan hukumat kar sakta hai.

Reactions: 
,

0 comments :

Like Us

Company

Legal Stuff

FAQ's

Blogroll

Subscribe to Newsletter

We'll never share your Email address.
© 2016 Urdu Roman Hindi English Site. Online content. Published By LalGulab.com.