Tuesday, January 26, 2016

Khwab Mein Saanp Dekhna Snake Ko Marna Ki Tabeer In Urdu Saanp Kala Safed White Black

Lal Gulab     3:25 AM     20 comments

Khwab Mein Saanp Ko Dekhna In Urdu Tabeer Khwab Mein Snake Dekhna

Sanp badkhwah aur posheeda dushman hai aur jis ne apne ghar mein dekha hai tou ghareelu dushman aur jungle mein dekhay tou ajnabi dushman aur saanp se larai ki hai tou dushman se jhagra karay ga. Kisi par ye ghalib aya tou woh apne dushman par fatah na paye ga, saanp ke katne ka matlab hai dushman se nuqsan aur saanp ko marna dushman ko maghloob karna hai aur is ka gosht khana apne mukhalif ka maal khaye ga khair khushi dekhe ga aur is ke do tukray kiye hain tou dushman se insaf kare ga aur agar donon tukray utha liye hain tou us ka maal khaye ga.

Snake ne meharbani se baat ki tou us ko darpaish ajeeb kaam ho ga keh shadi aur khushi dekhay ga aur agar us ne tundi aur teezi se baat ki tou dushman us se jeetay ga aur mara hua saanp dekhna behtar hai is liye keh shar aur afat door hoti hai takleef na ho gi aur agar usay tabaydar paya tou martaba aur bazurgi paye ga.
Agar saanp bhaga hai aur us ko pakar nahin saka tou dushman zaeef hai aur sabz yani green saanp dekhna dushman deendar aur ba imanat hai aur dusray saanpon ke ilawa silver sayah kala saanp yani black snake lashkar par daleel hai aur zard peela saanp yellow snake hai tou bimar surat dushman aur agar surkh laal saanp red snake dekhe tou muashra aur aish pasand dushman aur agar snake ke bohat se paon haim tou mukhalif qawi aur dilawar ho ga  aur bohat se saanp us ke samne jama hain aur us ko satatay hain tou us ke bohat se khaweesh dushman hon ge lekin un se nuqsan nahin dekhe ga aur saanpon ke seeng aur bohat se daant hain tou us ka dushman keena aur bad khaslat ho ga.

Agar woh naak kaan pastan pakhanay ki jagah se nikla tou us ka farzand us ka dushman ho ga aur munh se nikalta wabal e jaan baat karna hai. Safed saanp white snake dushman ko dekhna hai aur black saanp sapahi hai aur us se bhagna aur us ka na dekhna aram aur khushi pana hai aur agar us ne pakra aur dukh nahin diya tou bazurgi pana dushman se aman mein rehna hai.

Hara saanp jisay green snake kehte hain woh agar khwab dekhne wale ka mati hai sapne mein tou khazana milay ga. Asteen se us ka nikalna batata hai keh us ki aulad us ki dushman ho gi. Snake ko marna aur us ka khoon apne jism par milna apne mukhalfeen ka maal hasil karna hai aur agar saanp us ke gireban se ya munh se nikal kar zameen mein ghusa hai tou halak ho ga.

Note - Tabeer Maloom Karain: Koshish ki gayi hai ke saanp dekhne ki tabeer mukamal faraham ki jaye par phir bhi khawab mukhtalif andaz se atay hain agar yahan faraham tabeer main aap ka dream about snake in urdu nahin hai tou aap yahan apna khwab batayain agar tabeer maloom hoi tou batanay se gureez nahin kiya jaye ga par snake ke ilawa koi aur khwab ki maloomat chahte hain tou us article mein ja kar comment karain jis ke mutalik aap ne dream dekha par yahan sirf isi topic par jawabat diye jayain ge is topic ke ilawa kiye gaye sawalat manzoor nahin kiye jayain ge (team - lalgulab)

Reactions: 
20
replies
  1. assalamwalekum maine khawab main ek yellow colour ka bada sa sanp dekha jo mere ghar se nikal kar bhag gaya aur fir main usse dar raha hun ke kahin wo mujhe nuksaan naa pohchae main use aas paas mehsus kar ke dar raha hun aakhir main meri usse lafai hui aur mainne use kisi chiz se chuchal kar maar diya..
    janab iski taabir bataen

    ReplyDelete
  2. W/A... aap ne dekha peele rang ka saanp yani kamzoor dushman dekhna aur kyoun ke aap ne usay chuchal kar maar dala is lihaz se aap ne dushman par ghalba pa liya.

    ReplyDelete
  3. Assalamalaikum..khuwab mein maine dekha ki more(peacock)aur black saanp kisi pedh pe ladayi kar rahe hai.. Iss khuwab ki tabeer kya hogi..?

    ReplyDelete
  4. Do mun ka sanp dekhna kaisa hai

    ReplyDelete
  5. asslamwalekum maine khwab me ek safed rang ka saap kisi do logon ko bhagathe huye dhekha aur mere khaareeb aake mujhe bhagaya aur muje katliya aur gayab hogaya iska matlab bataye janaab

    ReplyDelete
  6. Assalamu alaikum mere khwab me hare sanp ko gharse Maine hath Se pakad kar Bahar phek diya aur Maine Uspar zulum nahi kiya phir thodi time badh mujhe ghar ke andhar phir Se kaat neke liye aa raha hai .aur mai neendh Se jaag gaya

    ReplyDelete
  7. Aslam o alikum
    Maine hwab mein dekha k mere neighbors k terrice py snake rehta WO mujse dosti krta lekin main dar jati hn or nhi krti phir WO e neighbor mere ghar aati hai or kehti hai sanp se dosti kro or main kehti hn nhi mujhy dar lgta WO ja k sanp se BT krti hai sanp usy Marta or meri neighbor or sanp donu mar jaty hain or main darti rehti hn plzzz tell me what was this??

    ReplyDelete
    Replies
    1. Walaikum us Salam aap ne jo khawab bataya hai ye aap ke liye bohat acha hai kyun ke saanp dushman hai aur jis ne aap ko saanp se dosti karne ka kaha tha woh aur snake donon khwab mein mar chuke hain is lihaz se ye ishara hai ke aap ki zindagi mein mushkilat hael karne wale log nakaam ho chuke hain

      Delete
  8. Maine sapna m dekha ki ek chhota saanp yani ki bacha mere ghar aata h or uske piche bara saanp shayad uski maa ya baap aata h, dono ek shikaf se nikalte h or dusre m ghuste h m dar k bhagti hu lekin wo mere pichhe nhi aate unka rang light grey hota h or bache snake k pair hote h insan jaise

    ReplyDelete
  9. My nay subha 7:00 Am bajay masjd may aaraam kar raha tha achanak khwaab may brown color ka saanp tayzee say mayray taraf dhasnay aa raha tha aur my us kay dhas nay say bachraha tha.. Is Khwaab ka matlab kya hai ?

    ReplyDelete
  10. maine ek raat khwab mein safed saanp aur chipkali ek saath dekhi safed saanp usko muh se pakde hue tha aur mere sar per baitha tha maine jhatak kar usko door fek diya..fir doosre.din maine dekha mere haatho ki duso ungliyaan saan ban gai hai jo mujhe dasne ki kosish kar rahi hai..mai unse bach ja raha hu.meri maap unko mere haath se jhad deti hai unka rang orange tha.please ye sab kya hai.

    ReplyDelete
  11. a/w mere room me akshar tez hawayein aati rahti hain to dhool bhi aata ha maine aaj khwab me dekha k i aandhi aa rhi ha to mai balcony me nikal kar khada ho gya achanak ek saanp aandhi me udhta hua mere taraf aaya uska clr black tha lekin uske charo taraf safed dhool se ghira hua tha isliye mai clear nhi kar paya ki yeh saanp jab njdik aaya to main dar gya piche hata aur bachne k liye jab haath aage kiyaa to left hand ki little finger me kaat liya mai abhi dar gya tha tabtak wo udte hue mere sir pe kata mara sir kaanpne laga aur main kaanpte hue utha

    ReplyDelete
  12. Asslam walaikum sir

    Maine kaale rang ka naag dekha wo khidki se dakhil ho kar sidha ghar mein chala aya hai fir usk baad wo bahar chala gaya kisi ko nahi sirf mkh dikhai de raha tha fir ek saphera b khawb mein dikha jo bht saare naag par gaalib tha usk baad wo naag ghae k bahar aaya fir achanak se chalagaya

    ReplyDelete
  13. Salam..mein apne 2 khawabo ki tabeer jana chahti hu aik khawb dedh hafta phele dekha jis mein mene dekha ke ghr k aik kamrey mein buhat sare saanp hain kuch chote aur 2 bade saanp .. bade saanp kale rang k hain aur chote koi laal koi peela rang ka .bade kale saanpo mein se aik ko mein muskil se bottle mein band kar leti hu aur room mei jo chote sanp hai unko bhi .. phr usi room k saath jo washroom attach hai waha jati hu to aik aur kala saanp hota hai utna hi mota aur bada jitna bottle mei band saanp tha aur 2 chote saanp washbasin pe hote hain jo 3 rango k hain jaise rainbow..lal peena aur neela rang.. mein apne ammi k cousin ko bulati hu aur kehti hu inn bade aur 2 chote sanpo ko mar dein meri bottle mei jagah khatam hogai hai to vo kale sanp ko marne lagte hai mein dosre darwaze se bahar nekal jati hu aur bahar wait karti hu bottle mere paas hoti hai aur saanp b usi mein hote hain jo band kiye the aur bottle mein paani b hota hai.phr meri ankh khul gai .. aik khawab kal dekha jis mein ghr mein buhat zayda saanp hain chote bade kaafi sare jo ghoom rahe hain idhar se udhar kisi time nazar ate hain .raat ka time hai .mein aik toka jis se gosht katey hai le k saanpo ko marna shuru kar deti hu chote bade kahi sanp marti hu aik saanp jiska rang sabz hai mota aur ajeeb sa nokila saanp hai uski speed buhat taiz hoti hai mein uska buht peexha karti hu mushkil se vo aik jagah kabu ata hai mein tokey se waar kar k usko kaat deti hu uska sar dhad se juda nai hota thoda sa joda hota hai baki kaat jata hai phr b vo mujhe kat leta hai aur katne k baad mar jata ha .mei foran behan ko jo paas khadi hai usko batati hu aur mujhe hospital le jate hain jaha doc poori tyri k saath mere sar pe khade hain iss intezar mei k zehar ka asar zahir ho to vo illaj karen par zehar ka koi asar mujpe nai zahir hota .phr koi kehta ha yeh saanp zehriya nai hota yeh friendly saanp hota hai .phr meri ankh khul gai . Please inn dono khawabo ki tabeer bata dein mein buhat pareshan hu .shukriya

    ReplyDelete
  14. Slam. Mien aj subah nmaz se pehley khwab dekha k aik sanp hai jis k 2 surr hien pun phelay dewar k sath khara hai,mien aur mery kuchh relatives uss k samney kharey hien, hum darr nai rhay.koi kehta hai issko pkartey hien, lekn saanp khra hota hai.mera chacha kehta hai mien isko pakr leta hun yeh konsa masla hai. Woh nechey jhuk k byak waqt donu hathun se saanp k donu sirron ko pakr leta hai aur phir saanp ko zor se dewar pe marta hai. Phir aankh khul jati hai plz tabeer bta dien.thanx

    ReplyDelete
  15. Ma nay abhi khuwab dekha ha or aankh khul gai ha meri daraz ma mere 3 paras paray huwe hn 1 normal or baki 2 ma snake 1 yellow or 1 purple or wo mere paras say nikal kar peti k nichay ja chupay hn... khuwab ma ye dekha ha k ma nay aunhy pala ha or kafi din ho gaye hn paras ma ny socha wo zinda bhi hongy ya nahi jab paras nikala or khola wo dono snake bht tezi say ja chupay....or meri aankh khul gai or ab mujhe neend nahi arahi.... kindly help kryn mujhe batayen....iski tabeer

    ReplyDelete
    Replies
    1. saanp dekhna paise ka nuqsan aur baaz auqat is ki tabeer dushman bhi hota hai aur aap ne kyun ke khwab mein un ko pala hai tou ye is baat ka ishara hai ke koi aisa jisay aap jantay hain woh aap ko nuqsan pohanchana chahta hai aur kyun ke saanp ka taluq dushman aur daulat se hai is liye ye mali nuqsan ka ishara bhi hai aur jo bhi koi bura khwab dekhe usay chahiye ke sadqa de diya kare.

      Delete
  16. slam ma na khawab ma dakha hy ma na boath sary sanp mary hy lakan in ma sa ek bach jata hy thori dair bd wo sanp mary howy sanpo ko kha raha hota hy ma os sanp ko b mar data ho aor un sa mujy ek baby milta hy wo baby ma gar ly ata ho plz is khawab ki tabeer bata dy

    ReplyDelete
    Replies
    1. Walaikum us Salam aap ne agar sanpon ko maar diya aur sare sanp mar chukay thay tou ye aap ke liye acha khwab hai

      Delete

Like Us

Company

Legal Stuff

FAQ's

Blogroll

Subscribe to Newsletter

We'll never share your Email address.
© 2016 Urdu Roman Hindi English Site. Online content. Published By LalGulab.com.