Thursday, December 31, 2015

School Essay In Urdu My School Speech Hindi Hamara School Mazmoon Nibandh

Lal Gulab     2:24 PM     2 comments

Hamara School Essay In Urdu My School Essay In Hindi School Par Nibandh Ya Mazmoon

Kismat Nooh Bashar Tabdeel Hoti Hein Yahan,
Ek Muqaddus Farz Ki Takmeel Hoti Hien Yahan.

Mafhoom

School bazahir ek emarat ka naam hai lekin ye wo muqadas jaga hai jahan bachon ki taleem o tarbiyat ki jati hai. Ye wo muqadas jaga hai jahan muqadar badalte hein zindagiyan banti hain.

Mera School (My School)

Mein government high school mustafabad zila qasoor mein satwien jamat (7th class) mein parhta hoon. Mera school qasba ke wasat mein waqiya hai ye school wasi raqbe par mushtamil hai.

Emarat

Mere school ki emarat jaded tarz e tameer ka ek awla namona hai. Mere school ki emarat waqai buhat khubsurat hai.

Kamra-e-Jamat - (Class Room)

Is mein takriban 25 kamrae jamat hein tamam ke tamam kamra intehai kushada aur hawadar hein. Moti moti dewaren aur buland chaton ki waja se kamrae jamat garmiyon mein bhi thande rehte hein aur zayada garmi nahin hoti. Har kamra jamat mein ustad ke ek kursi aur ek maiz mojod hai aur kamrae jamat ke andar dewaron par khubsurat chart lage hue hein.

Usatza (Teachers) 

Mere school mein takriban 50 Asatiza parhate hein wo buhat qabil, mehanti, muhib watan aur farz shanas hein hamare teachers bachon se pyar o shafqat se paish ate hein.

Talba (Students)

Hamare school mein takriban pandra so ke kareb talba parhte hein. Tamam talba mehanti hein bare farmabadar hain apne asatiza ka behad ehtaram karte hein.

Head Master Ka Kamra

Hamare school ke head master sahab ek sakhat admi hein. Inka kamra buhat khubsurat hai. Jaded furniture se arasta hai. Attach bath ki bhi sahulat bhi hai. Samne dewar par Quaid e Azam aur Allama iqbal ki tasweren awezan hein. Bayen taraf dewar par ek shokes hai jis mein husun karkirdgi cup aur shield pari hot hain.

Staff Room

Head master sahab ke kamre ke sath hi aik bara kamra hai jo staf room ke naam se mansob hai ye kafi bara aur khubsurat bana hua hai ye kamra emarat ke behtareen kamron mein se aik hai.

Library

Yahan par aik library bhi hein jahan har tarz ke mauzo par kitab maujod hein. Library mein talba ke liye kitabein parhne ke liye bethne ka khas intazam hai.

Kheel Ka Maidan

Is mein ek wasi khel ka maidan bhi hai. Is Maidan mein charon taraf darakhat hi darakhat hein. Is maidan ka ek hisa bachon ke liye makhsus hai jahan talba waqfa ke doran khelte hein.

Science Laboratory

Mera school bohat acha hai is mein chonke science talba bhi taleem hasil karte hein is liye in ke liye ek science laboratory hai practical se mutalka tamam saman is mein majood hai.

Nataij

Hamare school ka talemi mayar buhat buland hai middle aur matrik ke salana imtehanat mein mera school hamesha shandar nataij dekhata hai aksar talib ilam har sal wazifa bhi hasil karlete hein.

Reactions: 
,
2
replies
  1. Bhai G apka boht shukriya aaj mein chutiyoun ka kaam likh raha tha essay tha My School wala meiry zeihn main nahn aa raha tha apki rehnmai ka shukriya

    ReplyDelete
  2. Aap ko school per mazmoon acha laga aap ke kaam aya is ko likhne ka yehi maqsad tha ke students ke kaam aye.

    ReplyDelete

Like Us

Company

Legal Stuff

FAQ's

Blogroll

Subscribe to Newsletter

We'll never share your Email address.
© 2016 Urdu Roman Hindi English Site. Online content. Published By LalGulab.com.