Ertugrul Ghazi History Urdu Ottoman Empire Documentary: Aaj kal aik naam sab ki zuban par bohat aam hy Ertugrul Ghazi. Social media ho, youtube ho, Tiktok ho, Facebook ho har plateform par Ertugrul Discuss kiya ja raha hai. Bunyadi toor par ye ek 13veen saadi ka kirdar hai lekin ye aaj kal PTV par Ertugrul ke naam say chal raha hy. Khas toor par Ertugrul drama ko broadcast karny ki aik bohat bari wajah nazar aati hy. Agar thodi history ko study kiya jaye to ye dots ek makhsoos ishara day rahy hain.
Ertugrul ki kahani issi makhsoos ishary ko wazeh kar rahi hy. Jis main musalmano ka bol bala ho. Ab main is kahani par kuch nazar dalny ki koshish karta hon. 13veen Sadi main Mongol Qoum ke Badshah Changaiz Khan ki hukmarni main mongol hamlay kar rahay thay, Europe par Musalmano par. Inho nay bohat ziyada mumalik ko fatah kiya, loot mar machai, or bohat zulam kiya.
Us waqat Mangoloyo nay Khuwarzam k Elaqy tak apni fatohat ko manwaya. Jo central asia ka janobi area hy. Khwarzan ki sab bari saltanat ko bhi mangoloiyon nay tabah kar diya. Khuwarzan k us elaqy main say ek Qabila Khawarzan ko chor kar bhag nikla. Us qabilay ka naam Qai Qabila tha.Ye qabila us waqat Syed Suleman Shah ki qiyadat main tha. Syed Suleman shah 4 baito ka baap tha. Jis main say teesray baity ka naam ERtugrul tha. Or ye drama us par bana huwa hy.
Kai Tribe main us waqat 300 khandan thay. Hijrat ke dorran Darye Faarat ko Uboor karty waqat Qai Qabily ka sardar Suleman shah doob kar Halak ho gaya. Sardar Syed Suleman ki halakat k baad Qai Qabeely nay Ertugrul ko apna Sardar cun liya. Us k baad ye apny choty bhai aur qabeely ko lay kar Turkey ki janib safar karta raha. Us waqat Turkey main Turk hukmraan rahty thy. Rasty main Ankara ke qareeb 2 fojain apas main lar rahien thi. Ek fouj Saleebiyon ki thi or dorsi Allao udin ki thi.
Mukhtaif kitbon main kaha jata hy. Us waqat Ertugrul k pass 440 foji thy. Or Kai Qabeely ko saleebiyon par pahly say hi bohat ghusa tha. Is ly Erugrul nay 440 fojiion k saath Allo udin say mil kar salibiyoon par hamla kar diya. Musalman hony k naaty Ertugrul or is k foji bhagy nahi, darry nahi, or bohat zoor dar hamla kiya. Ertugrul ki qiyadat main Allauddin haari hui jang jeet gaya. Or wahan say sary salibiyon ko bhagna para. Sultan Allaudin ko Ertugrul ka ye andaz bohat pasand aya or un k pooray qabily ko apny saath Anqara lay gaya.
Ertugrul aur us ke qabily ko ek Pahari elaqa day diya jahan wo apnay rehny sahny ka intezam kar lain. Ertugrul us elaqay ka sardar ban gaya. Allaudin or Ertugrul k darmiyan ye muaheda sign huwa k jo bhi dushman aye ga, Ertugrul or us ki fouj Alloudin ki madad kary gi. Ertugrul nay apny qadam jama liye.
Ertugrul nay apni zindagi main ek Khuwab daykha tha. Us khawab main Ertugrul nay Ek chand dykha or ek darkhat daykha. Jis ki shakhien poori dunya main phaili hui thi. Us nay ye khuwab apny buzurg say discuss kiya. Jis say Ertugrul ko pata chala k wo ek boohat bari hukmari karny wala hy. Or us ki oolaad bhi hukmarani kary gi. Us ka poora khandan din e islam k liy kaam kary ga. Us k buzaurg nay Ertugrul say kaha Tum log chun liye gaye ho.
Us khawab main us nay 4 pahar or 4 darya bhi daykhy thay aur 4 darya us ki saltanat main thay
- Dajla
- Farat
- Nile River
- Dain Puf
4 pahar jo us nay apny khwab main daykhy thy woh ye hain
- Koh e Toor
- Koh Kaaf
- Koh e Atlas
- Koh Balkat
Us waqat Adal o Insaaf ka bol bala tha Usman nay faisala kiya ke wo khilafat ko dobara zinda kary ga. Us nay itni jangian ki itny zayada ilaqe fatah kiye ke 3 bar e aazmo tak Khilafat e Usmaniya ki hakoomat pheel gayi. Pehly Ertugrul nay bohat jangian jeetien jis k waja say ye drama chal raha hai phir us ke baitay Usman ne us ki jagah bohat Jungian jeetien. Inho nay taqreeban 625 saal tak hakoomat kar k khilafat e usmania ko zinda rakha. Lekin 625 saal bad in logo main ghaddar paida hony shuru ho gaye. Or bohat saari aysi cheezian aa gi ji ski waja sy kharabhi paida ho gai.
In ke pass Hijaaz e Muqadas bhi tha Hijaaz e muqadas main Khana Kaba or Madina Munawara ki maizbani shamil thi. Taqreeban aaj dunaya main 40 aisay mulk aur 3 bar e Azam majood hain jin main Khilafat e Usmania ka control tha.
Is lehaz say ye taqatwar log thy Lekin pehli jang e azeem ke baad ye itny kamzoor par gaye ke us door ke Khilfat e Usmania ke sultan Hahid ud Din ko jila watan hona par gya. Pehli jang e azeem ke baad dunya 2 hisson main taqseem ho gai thi. Jis main kuch mumalik bartania ke saath mil gaye thay aur kuch mumalik us waqat bhi Turkon ka saath day rahe thay. Turk us waqt apni khilafat bachanay ke liye zoor laga rahe thay. Us jang main pehly to in ko kamyabi milti rahi lekin maali lihaz say kamzoor hony ki wajah say ye jang na jeet paye.
Ahista ashista bohat saari saltantain azaad hoien Khilafat khatam honay ke baad 40 mumalik nikal aaye. Jo directly Khilafat e Usmaniya ke control main thay. Jis main Saudi Arab, Iraq, Shaam aur Misr bhi shamil hain. Is ke ilawa beshumar mumalik Khilafat e Usmaniya main se niklay. Jub Turkey ke pass Hijaz e Muqadas ka control tha wahan Saudi aa gaye aur Saud khandan ki hakoomat aa gia phir woh Saudi Arabia ban gya.
Tou us ke baad se ab jab jab Khana Kaba ya Masjid e Nabawi SAW ki tazeen o araesh main koi bhi tabdeeli ki jati hai tou Saudi aur Turkey ke muaehday ke thehat us tazaeen o araish main istemal huwa ek ek pathar Turkey nay apnay pass wapAs magwaya aur un pathron ko Turkey ke shehar Istanbul ke aik museum main rakha jata hai takeh aany wali naslain aany walay Turk yaad rakhiein ke kabhi Hijaaz e Muqadas main Hajj aur Umrah par aany walay logon ki maizbani Turkon ke pass thi aur Turk aaj bhi ye chahtay hain ke ye maizbani unhain mil jaye.
Jub ye muaehda tay paya dono fareeqain ke beech main Germany ne jang bandi ki darkhwast ki tou akhri muaehda Switzerland ke aik ilaqey Lausaane main tay paya. Us muaehday main kuch cheezian tay paien jo Turko ke liye aik nai zindagi thi.
Lekin saath saath un ke both sary khwab bhi toot gaye. Bunyadi toor par usi muaehday k oper aj saari dunya pareshan hy. Muaehda ye tha k khulafat e usmania khtam kar di jaye gi, khilafat k sary jan nasheen ko hata diya jaye ga.
Un main say kuch ko lapata kar diya gyaa, kuch ko jilawatan kar diya gya or kuch ko qatal kar diya gaya. Khilfat k sarry assasay zabat kar liye gaye jo teen bare azamo main pahily howay thy. Turkey ko ek riysat bana diya gya aur ye bhi tay paya ke Turkey main islami qwanin nahi hon gay. Or hamesha k liy khilafat par pabandi laga di gai. Ek or sab say bari pabani turkey par lga di gai k wo apny mulaq main say maadniyat nahi nikal sakta.
Bosphorus turkey ki bandar gah hay. Jo turkey main hy. Bosporus do samundaron ko milati hy. Bosphorus ka international pani qarar day diya gaya. K yahan say jitney bhi ship guzrain gay. Turkey un say kiraya wasool nhi kary ga. Koi tax nahi lay ga. Bosporus tijarat ki dunya main reerh ki haddi ki ahmiyat k hamil hy. Ye ek aalmi satah k muaehda tha jis ki muddat 100 saal thi. Yani 100 saal tak turkey is muahday ki kisi shiq ki khilaf warzi nahi kary ga. Ye muaehda July 1923 main huwa tha. Jo 2023 main khatam honay ja raha hai is lehaz say turkey is muaehday say azaad hony ja raha hai.
No comments:
Post a Comment