Haunted Places In Islamabad Urdu Hindi Khaufnak Places Pakistan Documentary Urdu

  Lal Gulab      
Haunted Places In Islamabad Urdu Hindi Khaufnak Places Islamabad Pakistan

Islamabad Ke Chand Khaufnak Aur Pur Israr Maqamat
Koi shak nahin Islamabad khubsurat aur pur sakoon shehar hai. Agar aap apni karobari masroofiyat se thak chukay hain tou aap bila jhijhak aram o sakoon ke liye khuch waqt is shehar mein guzar sakte hain jahan na tou koi traffic ka shor paya jata hai aur na aloodgi. Taham Islamabad ke khuch maqamat aise bhi hain jinhain khoofnak aur pur israr qarar diya jata hai. Ye aisay maqamat hain jahan raat ke waqt janay se mana kiya jata hai. Dilchasp baat ye hai keh ye tamam maqamaat sayahati hain aur bari tadad mein log in maqamaat ki sair ko bhi atay hain.

Islamabad Ke Sector F6 Ka Qabristan
Ye budhmat mazhab ke pero karon ka qabristan hai jo Islamabad ke sector F6 mein waqe hai. Is qabristan ko dekhne ke liye anay wale mutadid sayahon aur degar afrad ka dawa hai keh unhon ne yahan ronay aur kisi ke chalnay ki awazain suni hain.

Trail-3 Margalla Hills
Margalla ki pahariyan Islamabad ka aik maqbool tareen sayahati maqam hai. Taham in pahariyon ki bulandi tak pohanchne wale aik makhsoos rastay ko log khoofnak qarar detay hain. Aksar sayahon ne is maqam ke hawalay se shikayat ki hai keh unhain yahan mojood janglaat se sargoshiyon aur ajeeb o ghareeb sarsarahat ki awazain aayi thien aur ye tamam khoofnak sargarmiyan amooman raat ke waqt hoti hain.

Kachnar Park
Ye park bhi aik intihai khubsurat park hai aur Islamabad ke sector I 8 mein waqe hai. Lekin is park ke hawalay se bhi kayi khoofnak khabrain janam lay chuki hain. Raat ke waqt park ki sair ko anay wale aksar afrad ne apne tahafuzaat ka izhar kiya hai un afrad ka wasta ghair mamooli sargarmiyon se par chuka hai.

Shah Allah Ditta Caves
Ye gharain intihai qadeem hain aur in ki tareekh 700 saal purani hai. Mukhtalif sayahon ka kehna hai keh unhain yahan ajeeb o ghareeb awazain sunai deti hain jese keh 2 log apas mein baat kar rahe hon. Sayahon ke mutabiq aisi awazain raat ke waqt aati hain. Yahan qadeem gharain Islamabad ke sector D 12 mein waqe hain.

logoblog

Thanks for reading Haunted Places In Islamabad Urdu Hindi Khaufnak Places Pakistan Documentary Urdu

No comments:

Post a Comment