Galileo Galilei History In Urdu Galileo Inventions Hindi Galileo Essay Introduction Biography

  Lal Gulab      

Galileo Galilei Urdu History - Galileo Inventions In Urdu

Hindi Galileo Galilei 1564 ta 1642: Jis waqt ko parnakes ka intekal hua us waqt italy ke shehar pisa main ek nojawan Galileo ke name se mashoor hai. 1581 main Galileo ke baap ne ise ilam tib sekhne ke liye pisya university bheej diya. In dino aur sadiyon baad tak science ka zok rakhne wale har gareb nojawan ke liye ilam tib wahid zariya muwash tha. 4 saal ke baad usay sanad mili lekin rupee ki kami ki waja se ise mazeed taleem tark karni pari aur wo riyazi o tib ki taleem dene laga. Woh har waqt sochta rahta aur tajarba karta rahta. Arastu ne kaha tha ke das pond ka wazan ek pond wazan ki ba nisbat zameen par das guni raftar ke sath girega. 1800 sal tak kisi ne is bayan par shak nahin kia tha lekin Galileo ne apne talib ilmo ko bataya ke das pond aur ek pond ka wazan ek hi raftar se zameen par girega. "ye kia kah rahe ho". Danishwar cheekh uthe, "tum ek nojawan ho" is waqt is ki umar 25 baras ki thi.  " kya tumhara Khayal hai ke tum arastu se zayada jante ho". "Ao aur khud chal kar dekh lo" Galileo ne bare sakoon ke sath jawab dia. Us ne pisa ke mashoor khamida minar par charh kar aam logon ke samne is baat ka muzahira karne ka elan kiya. Saray shehar mein halchal mach gai aur logon ka hajoom us minar ke charon taraf jama ho gaya. Wo sab apni gardanain mor kar galileo ki taraf dekh rahe the jo uper mundair par jhuka hua tha. "kya sab tayar ho?" ye keh kar is ne ek das pond aur ek, ek pond ka top ka gola zameen par gira dia. Dono gole ek sath zameen se ja takrae, ek sania ka bhi farak na para ye saboot bilkul mukamal tha burhe professor gushe se lal pele hogae.

Woh aik dusre se kehne lage ke "is kamene nojawan ne kala jadu kia hai" Arastu kabhi galti nahin karsakta". Is ke bawajood is muzahira ne galileo ko raton rat mashoor kardia aur is ke bad is ne ye sabit kar dikhaya ke arastu ne science ke maidan main aur bhi Galtiyan ki hen. Galileo ki zindagi ka azeem lamha is waqt aya jab ye khabar ai ke holand ke ek shakhs ne ye bat daryaft ki hai ke do adson ko ek dusre se alag pakarne par dor ki chezain nazdik nazar ahsakti hain. Ye chezain adson ki madad se nisbatan bari dikhai deti hain magar ulti nazar ati hain dusre din wo rat bhar is par dimag sozi karta raha ke kis tarah wo is ala ki nakal tayar karsakta hai. Bohat se masail darpaish the.

Misal ke tor par adson ko majoof hona chahye ke mahdab aise bohat se sawal the po phat te hi ise in ka jawab mil chuka tha. Is din is ne ek doorbain tayar ki. Ye doorbain is se behtar thi jis ke mutalik apne sun rakha tha ek bat aur thi ke is ki doorbain se har cheez sedhi nazar ati thi. Ise yakeen tha ke wo is se behtar doorbain bhi bana sakta hai. Agle 6 mah tak wo apni choti doorbain par mahnat karta raha aur is mudat ke khatam hone par is ke pas ek aisa ala maujood tha jo Cheezon ko ek hazar guna bara karke dikhata tha. Bas ise is cheez ki zarurat thi. Is ne is ala se chand ko dekhna shuru kia. Pehli martaba insani ankh ne chand ki satah par azeem pahar dekhe jo apne gehre sae phaila rahe the. Saf zahir tha ke chand zameen jesi koi cheez hai is waqt tak yahi khayal kia jata tha ke chand ki satah ek polish kiye hue gaind ki tarah chamkeeli hai. Is ke baad us ne apni doorbain se suraj ko dekha. Is ne na sirf suraj ki satah par kuch dhabe dekhe balke ye bhi dekha ke ye dhabe ek kinare par jakar gaib hojate hain aur dubara dusre kinare par namudar hote hain is bat ka sirf ek hi matlab tha aur wo ye ke "suraj bhi apne mahwar ke gird ghoomta hai" jab galileo burha hogaya to sehat ki kharabi ne ise chirchara bana dia. Usay khuch gharelu masaib ka samna karna para. Is ke khandan ka qol tha, "kam karo aur tum apni taklifon ko bhool jaoge". 

Galileo se behtar andaz main aj tak kisi ne Is qol par amal nahi kia. Musalsal doorbain dekhte rahne se inki binai itni kamzor hogai thi 5 mout se 5 baras pehle is ki ek ankh bekar hogai aur 6 mahine ke bad dusri ankh bhi bekar hogai. Iske bawjood is ne deleri se apna kam jari rakha. Ek roz ek khubsurat angraiz jo ek mashoor shair tha, is se milne aya. Is ka name john milton tha. Is shair ki kismat main bhi ain anfowan shabab main andha hona likha tha milton ne is mashoor doorbain se dekha aur barson ke bad is ne apni azeem nazam "firdos gumshuda" main ye sabit karne ki koshish ki ke is waqt bhi ise is bat par yaken nahin ata tha ke taron aur nizam shamsi ke mutalik galileo ka nazaria durust tha ya batlimoos ka. 8 january 1642 ko jab is azeem mahir filkiyat ka intekal hua is waqt wo apne bete ko ye hidayat de raha tha ke kis tarah pendulm ke asoolon par ek clock banaya jasakta hai. Akhir umar main jis waqt wo apni pyari doorbain se dekhne ke na Kabil hogaya tha wo in lamhat ki taraf palta jin main is ki scienci zindagi ka agaz hua tha aur pisya aur kalisa main apne ghutno ke bal khare hokar is ne latakte hue lamp ko dekha tha. Koparnakes ke nae nazariye ne jis ki sadaqat ke haq main galileo aur is ki doorbain ne shandar muzahira kia tha bad main kainati israr ke makfil darwaze khol diye. Ye kainat ke wo azeem israr o ajaib the jin ke khuwab ye do azeem insan bhi shayad apni zindagi ke doran nahin dekh sakte the.
logoblog

Thanks for reading Galileo Galilei History In Urdu Galileo Inventions Hindi Galileo Essay Introduction Biography

No comments:

Post a Comment