Friday, June 3, 2016

Watermelon Nail Art Urdu Tarbooz Nail Art In Hindi Nail Art Karne Ka Tarika

Lal Gulab     9:27 AM     No comments

How To Make Watermelon Naik Art In Urdu Tarbooz Ki Shape Ke Nails Banane Ka Tarika Watermelon Nail Art Hindi

"Tarboozi Nail Art" Har mosam mein koi khas phal maqbool hota hai. Is khas phal ko isi mosam say nisbat bhi hasil ho jati hai, jesy garmion mein aam or tarbooz ko sab say ziada pasand kia jata hai. Dono hi phal mosam garma k phal manay jaty hein. Tarbooz chonkay is waqt har jaga nazar araha hai to isy fashion mein kis tarhan istaimaal kia jaye?? Is bary mein jab socha gaya to zahen mein ye khayaal aya kiyoun ba tarboozi nail art azmaya jaye.? Is nail art ko banany ki tarkeeb yahan bhi batayi ja rahi hai. Jiss par amal kar k khawateen is tarboozi nail art ko ghat par hi azma sakti hain is kay liye mandarja zaeel cheezon ki zaroorat hai.

Cheezain: Lal rang ki nail polish, halka or gehry haray rang ki nail polish, sufaid rang or kaalay rang ki nail polish. 

Sab say pehly nakhoonon par laal rang ki nail polish lagain, ak coat lagany kay baad chor dain, jab wo achi tarhan sookh jaye to dosara coat lagain, is tarhan laal rang gehra or numayan ho jaye ga. Is kay baad nakhoonon kay siray par halkay haray rang ki nail polish lagain ye nail polish kay kinaron par lagayi jaye gi. Jab ye nail polish sookh jaye to baad mein kisi bh brush ki madad say halkay haray rang ki nail polish par gehray hary rang ki lakeerein lambai mein kheechein.

Takreeban 5 lakeerein har nakhoon par khainchi jain gi. Lakeerein bilkul seedhi na hon balkay kuch lehraati hui mehsoos honi chahiyein. Jab ye lakeerein sookh jayein to jahan halkay haray rang ki nail polish lagayi hai us kay bilkull upar sufaid rang kay nail polish ki ak lakeer khainch lein. Yaaf rahy ye lakeer bohat ziada moti nahi honi chahiye. Jab sufaid lakeer sookh jaye to us k upar ki taraf kaly rang k nuktay banain. Har nakhoon par 4 sey 5 kaaly nukaty banaye jayein gey. Nuktey banatay waqt ye zaroor deehan mein rakhein ye ziada kareeb na hon. Warna wo apas mein mil jayein gey or dekhany mein bohat booray lagain gey.

Akhir mein is kay top coat lagain top coat ka koi rang nahi hota or wo sirf nail polish ko apni jaga ziada dair tak qaaim rakhany liye lagaya jata hai. Is ko lagany say nail polish mein chamak bh ajati hai. Is tarhan nakhoonon par tarboozi nail art ban jaye ga. Garmiyon mein college , university ya office jaany wali larkiyaan is anookhy magar dilchasp nail art ko azma sakti hein jesy dekh kar inhein farhat ka ahsas hoga..

Reactions: 
,

0 comments :

Like Us

Company

Legal Stuff

FAQ's

Blogroll

Subscribe to Newsletter

We'll never share your Email address.
© 2016 Urdu Roman Hindi English Site. Online content. Published By LalGulab.com.