Friday, April 8, 2016

Top 10 Beautiful Restaurants In The World In Urdu Restaurant Wallpapers Hotels In Hindi

Lal Gulab     6:26 AM     No comments

Best Top 10 Beautiful Restaurants In The World Urdu Hindi: Sehar Angeez Nazaron Ke Hamil Restaurants
Most Beautiful Hotels Jahan Aap Ka Bhi Janay Ka Dil Kare Ga: Aam tor par restaurants apne mayari khanon aur behtareen mahool ke hawalay se janay jate hain lekin dunya mein chand aise restaurants bhi mojood hain jo apni mazedar dishes ke ilawa ird gird ke dilkash aur haseen nazaron ki wajah se mashoor hain. Chand aisay hi restaurants ka zikar aaj hum apne is article mein kar rahe hain jo keh logon mein apne khubsurat nazaron ki wajah se maqbool hain. Aaeyay dunya ke khubsurat  restaurants aur in ki 10 amazing restaurant wallpapers ke sath ye jantay hain keh kyoun mandraja zail hotels dunya ke khubsurat tareen hain.

Altitude Restaurant

Altitude nami ye restaurant Australia ke shehar Sydney mein waqia hai aur is restaurant mein baith kar na sirf ird gird ki beautiful buildings ka nazara kiya ja sakta hai balkeh samandar ka dilkash manzar bhi ankhon ko thandak deta hai.

Edelweiss Hotel

Switzerland ke alaqay Mürren mein bulandi par waqia is hotel mein waqt guzaarna hamesha ke liye yadgaar ban jata hai kyoun keh yahan mojood sar sabz paharon ke haseen nazaray in lamhaat ko bhoolne nahin dete. Is hotel ko Edelweiss ke naam se jana jata hai.

El Farallón

Ye hotel Maxico mein hai jahan aik janib pahar aur dusri taraf wasi samandar hai is muqam par waqt guzarna bhi zindagi ka aikmunfarid tajarba sabat hota hai.

Tosca Hotel

Hong Kong mein waqia Tosca ke naam se maqbool ye hotel yahan anay wale tourists ko dilchasp aur dilkash nazaron ki paishkash karta hai. Yahan se shehar mein pheeli buland o bala emaraat ka nazara bhi kiya ja sakta hai.

The Rock

Ye aik intihai dilchasp hotel hai jahan aap ko charon taraf sirf samandar hi samandar dikhai deta hai. Ye munfarid hotel Tanzania ke alaqay Zanzibar mein waqia hai.

Sierra Mar Restaurant

California ke alaqay Big Sur mein waqia is restaurant se suraj gharoob hone ka nazara intihai khubsurat maloom hota hai. Is ke ird gird mojood rangarang phool is ki khubsurati mein izafay ka sabab hain.

Ristorante La Sponda

Ye restaurant Italy ke aik khubsurat alaqay mein hai yahan aik janib agar colorful buildings hain tou dusri janib neelay samandar ka pur kashish nazara.

Hotel In Tanzania

Bohat he zabardast muqam par ye behtareen restaurant Tanzania mein hai yahan aap ko har taraf darakht dikhai dete hain.

Two Oceans

Janoobi Africa ke alaqay Cape Mount mein waqia sahil ke kinare is restaurant ko 2 Oceans ke naam se jana jata hai yahan par baithay hue ye log jahan aik janib mazedar dishes se mehzooz hote hain wahin dusri taraf meelon ke raqbay par pheela wasi samandar bhi in ki dilchaspi ka baes hota hai.

The Grotto

Ye dilchasp hotel Thailand ke alaqay Krabi mein gharon ke darmiyan tameer kiya gaya hai yahan anay wale sayahon ke liye munfarid tajarbay ka baes banta ye hotel The Grotto ke naam se mashoor hai.
Ye thay khuch intihai khubsurat hotel jinhain dunya ke mukhtalif mumalik se muntakhib kar ke aap ke liye paish kiya gaya hai wese tou dunya mein khubsurat muqamat par bohat se hotels hain aap chahain tou un mein se khuch hotels ke bare mein apni maloomat hum tak pohanchayain.

Reactions: 
, ,

0 comments :

Like Us

Company

Legal Stuff

FAQ's

Blogroll

Subscribe to Newsletter

We'll never share your Email address.
© 2016 Urdu Roman Hindi English Site. Online content. Published By LalGulab.com.