Friday, April 8, 2016

Taj Arabia Dubai In Urdu Taj Arabia Pictures Wallpapers Taj Atabia Hotel Design In Hindi Construction

Lal Gulab     11:43 PM     No comments

Wallpapers Dubai Taj Arabia Hotel Images And Information In Urdu... Kya Dunya Taj Mehal Bhool Jaye Gi?

Bharat ke shehar Agra mein waqia taqreeban 400 saal purani mohabbat ki nishani aur mughal badshah Shah Jehan ke tameer karda Taj Mahal ko ab jald hi dunya bholne wali hai kyoun keh Dubai Taj Mehal se bhi kayi guna bara shandar aur aisi khasusiyat ka hamil Taj Mehal tayar hone wala hai jisay dekh kar bharat bhi hairaan ho jaye ga.

Taj Mahal se mutasir ho kar design ki jane wali Taj Arabia nami is shandar emarat ki tameer ka aghaz 2016 mein kar diya jaye ga aur imkan zahir kiya ja raha hai keh ye tameer Dubai mein hone wali mega expo 2020 event se pehle mukamal kar li jaye gi.

Is emarat ko tameer karne wale tameerati company Links Global Group ke mutabiq Taj Arabia munfarid khasoosiyat ki hamil building ho gi aur ye Taj Mehal se 2 guna bari ho gi.

20 acre ke area par pheeli ye emarat aik 5 star hotel, chand apartments, shops aur arcade par mushtamil ho gi.
Taj Arabia ko aise makhsoos roshniyon se arasta kiya jaye ga keh raat ke waqt mein ye chandni mein nahaya hua maloom ho ga jabkeh meelon door se bhi is emarat ka nazara mumkin ho ga.

Is emarat ki 20 manzilain hon gi jo sheeshay se tayar ki jayain gi. Dubai mein pohli baar itni sheeshe ki emarat tameer ki ja rahi hai jo darasal aik hotel hai jo aik adad banquet hall, night club par mushtamil ho gi jo is ke basement mein hon ge is ka design bay misaal hai.

Mughal badshah ko asal Taj Mahal tayar karne mein 22 saal lage lekin Dubai mein is ka naqal 2 saal mein tayar kar li jaye gi. Croron dollar ka ye project Falcon City mein 41 square foot par tameer kiya jaye ga. Taj Mehal jo mohabbat ki nishani hai Taj Arabia Hotel Dubai bhi is se mukhtalif nahin hai ye shadi shuda joron ke liye tameer kiya ja raha hai. Is ke 5 star hotel mein 300 rooms hon ge. Is project ke chairman ka kehna hai keh ye bilkul Taj Mahal ki naqal tou nahin ho gi lekin is ka maqsad bilkul wohi ho ga.

Indian Reaction

4 sadiyan pehle darya e jamna ke kinare aik shandar tareekhi imarat tameer ki gayi thi jis ka dunya mein koi sani aaj tak samne nahin aya tha aur bharat is par par itratay nahin thakta tha magar ab India ne Taj Arabia ki tameer ki news ke baad isay asal Taj Mahal ki naqal qarar dete hue sakht tanqeed ki hai taham ye project takhleeq karne wali company ka kehna hai Taj Arabia Taj Mahal ki naqal nahin balkeh is se 2 guna bari aisi emarat ho gi jis ki munfarid aur lasani khasoosiyat dunya ko hairaan kar dain gi.

Tarikh gawah hai har shandar tameer par dunya ke khoob daad di aur umeed ki ja rahi hai keh is project ko bhi dunya sadyon yaad rakhay gi magar yahan aik baat aur bhi hai keh jis tarah Agra ki shandar tarikhi mohabbat ki nishani ki naqal dubai mein us se behtar design mein tayar ki ja rahi hai wese hi is se bhi behtar tameerati kaam dunya mein anay wale waqton mein nazar ayain ge.

Reactions: 
, , ,

0 comments :

Like Us

Company

Legal Stuff

FAQ's

Blogroll

Subscribe to Newsletter

We'll never share your Email address.
© 2016 Urdu Roman Hindi English Site. Online content. Published By LalGulab.com.