Thursday, March 24, 2016

Japan History In Urdu Japan Information Hindi Essay Japan Culture Urdu Speech

Lal Gulab     3:19 PM     No comments

Japan History In Urdu Japan Information In Hindi Japan Culture In Urdu Speech Japan Essay Hindi Essay On Japan In Urdu

Maloomat Japan Ki Tareekh In Urdu: Dunya ke naqshay ko dekhain tou mashriq mein sub se pehla mulk japan hai. 4000 jazeeron par mushtamil is mulk ka raqba nahayat hi kam hai is waqt japan ki abadi 14 crore se khuch zayada hai lekin ghurbat na hone ke barabar hai 100% log yahan par taleem yafta hain.

Bahasiyat aik mulk japan bohat khubsurat khas kar qudrati khubsurati ki behtareen tasweer hai. Sardi garmi khazan aur bahar charon mausam nihayat dilfareeb nazaray, qudrati jheelain aur khubsurat pahari silsilay. Is ke ilawa japan ke sahil jo bach gaye hain woh tou bohat hi khubsurat hain albata kafi sare sahil dam ban jane ki wajah se apni qudrati khubsurati kho chukay hain. Japan ke log ba hesiyat aik qaum bohat mohabbat karne wale izzat o ahtram karne wale sache imandar aur mushkil waqt mein aik dusre ki madad karne wale log hain. Is mein koi shak nahin keh ache aur bure log dunya mein har jagah hote hain bohat buraiyan is qaum mein bhi hain lekin achaiyan bohat zayada hain.

Bohat se log apne aap mein rehna pasand karte hain kisi se baat karna ya dosti karna nahin chahte lekin phir bhi bohat sari qaumon se ache hain.
Honolulu International Airport
Japani qaum ne bohat sare door dekhe aur mukhtalif qisam ke rasm o rawaj aur badalti saqafat aur bohat sare raaz jinhain khud yahan ke log bhi bholte ja rahe hain. Aaj se senkhron saal pehle aik rasm azdwaji zindagi ke bare mein thi keh shadi ke baad dulhan nahin bolti thi aur dulha nikah ke baad dulhan ke baghair ki wapas laut jata tha lekin kabhi kabhar jub chahta apni dulhan se milnay susral ja sakta tha isi tarah un ki nasal chalti thi.

Is ke ilawa aur bohat sare ahirat angaiz waqiat se tareekh bhari parri hai jin mein 17th se 19th sadi mein  jub Japani 4 mukhtalif qaumon mein batay hue thay aur ghareebon aur kamzooron khas kar auraton par bohat zulm o sitam kiya jata tha aur un ke ilm  hasil karne par pabandi thi. Isi tarah is ke baad ka door shuru hua jis mein taleem sub ke liye aur tamam insanon ki barabri ka door shuru hua jis mein auraton ke ilm hasil karne ki ijazat aur apni marzi ki zindagi jeene ke huqooq bhi diye gaye.

Is par dilchasp baat ye keh Japan ke currency note mein sub se bara note 10000 Yan ka hai aur is par jo tasweer chapi jati hai woh kisi badshah ki nahin balkeh aik rehnuma ki hai.

Japaniyon ki zindagi mein kayi mamlat Quran o Sunnat ke mutabiq nazat atay hain aur kayi baar tou lagta hai jese japan aik Islami mumlikat hai farq sirf ye hai keh is qaum ko Kalma parhne ki zaroorat hai aur sari dunya mein Islam phailane wale aur tabligh karne wale yahan awaal tou atay hi nahin ya phir apne hi logon ki islah karne par sari zindagi laga detay hain. Kyoun keh sari dunya ki tarah yahan bhi Musalman apas ke larai jhagron mein paray hain lekin aik baat hai keh Japan ke aksar log Islam ke bare mein janna chahte hain aur bohat jald Islam ko apna laite hain.

Dusri aalmi jang tak Japan mein ninja naam ke qabilay hua kartay thay jo keh American  ko zulam o sitam bardasht kartay ya chhup kar apni zindagi jeetay un ki haqeeqat ab log nahin jantay. Albata bohat sare mulkon mein jodu karatay ka naam ninja rakh kar logon ko bewaqoof banaya jata hai. Asal ninja logon ka maqsad bohat sada tha woh sara sin apne apne shehron mein phirtay aur dekhte kon kis par kitna zulm kar raha hai aur raat ko zalmon ko saza diya karte thay.

Aaj se 100 saal pehle tak Japan ki pehchan bhi aik super power ki si thi aur dunya ke dusri super powers ki tarah japan ne bhi dusre mumalik ke sath jang aur dushmani wala rawaiya apna rakha tha. Vietnam ke sath kayi saal tak jang ki korea par 50 saal qabza kar rakha china ko 50 saal preshan kiye rakha aur bohat se ghareeb aur bay sahara logon par zulm ka bazar garam kiye rakha tha.

Phir qudrat ka karna aisa hua keh dusri almi jang jub japan taqreeban jeet hasil kar baitha tha tou america ne akhri mansoobay ke teht 2 bari riyasaton par nuclear bomb gira diye aur japan ke shehanshah ko shikast tasleem karne ka hukam bheja magar itni bari tabahi ke bawajood jub japaniyon ne hathyar dalne se inkar kar diya tou american fauj ne japan ke badshah ke mahal aur tokyo par bhi hamla karne ki dhamki de di jis ke khauf se japani shehanshah ne hathyar dal diye aur sirf aik shart ke sath ke badshah ko khuch nahin kaha jaye ga aur us ki aik badshah ke tor par izzat ki jaye gi is shart ko america ne maan liya aur sara japan america ke hawalay kar diya gaya. Jinhon ne bare paimanay par tabahi phelai.

30 saal tak japan par qabza karne ke doran america ne naujawan nasal aur bachon ko apna ghulam banane ke liye bohat chalaki ke sath japan ki tameer aur bachon ko ala taleem ke moqa karobar mein tawan aur zindagi ke bohat se shobon mein tawan ke sath sath bare paimanay par mali madad bhi di jis ki wajah se aaj ke japani america ke hathon sara khuch bhula kar hamesha ke liye america ke aise ghulam bane keh ab ghulami se nijat ka soch bhi nahin sakte. Albata abhi bhi woh nasal zinda hai jis mein apni ankhon se  sub khuch dekha aur woh apni niji mehfilon mein america ko aksar bura bhala kehte rehte hain.

30 saal ki american ghulami ke baad har qism ki jang band kar ke bohat mehnat aur lagan se yahan ke logon ne apne mulk ko aisi taraqi di keh dunya mein pehle number par agaye aur apne mulk ko american ghulami se nijat dilwa di.

Dunya jahan se log yahan taleem hasil karne karobar ya mulazmat karne aur sair o tafreh ke liye atay hain is waqt puri dunya mein chand aik aman aur sakoon ke khitay bach gaye hain un mein aik japan bhi hai.

Reactions: 
, , , ,

0 comments :

Like Us

Company

Legal Stuff

FAQ's

Blogroll

Subscribe to Newsletter

We'll never share your Email address.
© 2016 Urdu Roman Hindi English Site. Online content. Published By LalGulab.com.