Sunday, January 17, 2016

Tajikistan History Urdu Tajikistan Information Hindi Tajikistan Country Culture

Lal Gulab     6:12 PM     No comments

Tajikistan History In Urdu Tajikistan Information

Jamhooria Tajikistan (Tajak: jamhoori Tojikiston) wast asia ka ek khushki main ghira hua mulk hai is ki sarhadain janoob main afghanistan, magrib azbikistan, shumal main gazastan aur mashrik main cheen se milti hain. Ye Tajik nasal ke bashindon ka watan hai jin ki sakafati o tarikhi jarain iran main piyost hai aur ye farsi se intehai qurbat rakhne wali zaban tajik bolte hain. Samani saltanat ka gahwara rahne wali ye sar zamen 20th century mein soviet itehad ki ba zabta jamhooria rahi jise tajik soviet ishtara ki jamhooria kaha jata hai soviet ittehad se azadi milne ke bad Tajikistan 1992 se 1997 tak zabardast khana jangi ka shikar raha. Khana jangi ke khatme ke bad siyasi istahkam, gair mulki imdad aur mulk ke do bare qudarti zarae kapas aur aluminium ne mulki maishat ki behtri mein eham kirdar ada kiya.

Naam Tajikistan ka matlab hai "Tajikon ka watan" jaisa ke iran aur is se malhka beshtar Mumalik ke namo ke sath "istan" lagta hai jaise Pakistan, Afghanistan waghera.

Tarikh

Ye sar zameen, jahan ab Tajikistan wakia hai 4 hazar kabal masih se mustakil abad hai. Ye ilaka tarikh main mukhtalif saltanaton ke zair nagain raha hai. Kabal az masih main ye ilaka bakhtar ki saltanat ka hisa tha. 7wi sadi eswi main islam yahan bhi dakhil hua. Abbasi dor ke akhir main jab saltanat islamia ke mukhtalif hison main nai riyasatain wajood main ain to awaleen riyasaton main se ek riyasat samani saltanat yahan wajood main ai thi jis ne samar kand aur bukhara ke shahar banae jo tajkon ke sakafati marakaz bane. Baad azan mangolon ne wast asia par arzi tor par kabza kia. Saltanat roos ka hisa banne se pehle ye ilaka imarat bukhara main shamil tha. 19 wi sadi main saltanat roos ne wast asia par apne panje garna shuru kiye aur tajikistan par bhi kabza karlia. 1917 main zar roos ki saltanat ke khatme ke baad wast asia main bismachi tahrik ka agaz hua jinho ne azadi ke liye surkh afwaj ke khilaf zabardast mazahmat ki. Lekin is tahrik ko kuchal diya gaya aur ye ilaqa sodiyat itehad ka hisa ban gaya. Ishtara ki dor main yahan mazhab bilkhasus islam ko bohat zayada nuksan puhchaya gaya aur masajid o ibadat gahon ko band kardia gaya.

Geography

Tajikistan 4 taraf se khushki main ghera hua hai aur rakbe ke lehaz se wast asia ka sab se chota mulk hai. Silsila ko pamer is mulk ke beshtar hise main faila hua hai aur mulk ka 50 fesad se zaid ka ilaka satah samandar se 3 hazar meter takriban 10hazar feet se uncha hai. Kam buland zamen ka wahid ilaka shumal main wadi firgana aur janoobi kafirnigan aur dakhsh ki wadiyan hain jo amo darya ko tashkil deti hai aur yahan barishain bhi zayada hoti hai. Do shanba janoobi dhalwano par wadi kafarnigan ke uper wakia hai. Amo darya aur panj darya afghanistan ke sath sarhad tashkil dete hain. Koh ismail samani 7495 meter koh azadi 7170 meter aur koh ibn sina 6974 meter mulk ki 3 bari chotiyan hain. 

Siyasat

Azadi ke foran bad Tajikistan mukhtalif firkain ke darmiyan larai ke bais khana jangi ka shikar ban gaya, jinhain mubina tor iran aur roos ki himayat hasil thi. Khana jangi ke doran tamam 14 raki roosi bashinde, siwae 25 hazar ke is ilake se roos chale gae. 1997 main khana jangi ka khatma hua aur 1999 main pur aman intakhabat munakid hote hain. Akhri intekhabat 2005 main hue aur guzishta tamam intekhabat ki tarah in intekhabat ko bhi bain ul akwami mabsiren ne gair munsifana karar dia. Hazb ikhtalaf ki kai aham jamaton ne 6 november 2006 ko hone wale intekhabat ka mokata kia jin main 23 hazar irakeen par mushtamil islami nishat sania party bhi shamil thi. Tajikistan is waqt wast asia ka wahid mulk hai jahan mutharak hazb ikhtalaf maujood hai. Parliman main hazb ikhtalaf ke Arakeen ka basa aukat hakumati arakeen se tasadum hota rahta hai taham is se bare paimane par koi adam istahkam paida nahin hua.

Maishat

Tajikistan ishtara ki ehad hi se degar riyasaton ke mukable main ek gareb riyasat thi. Aur azadi ke fori bad khana jangi ne iski maishat ko lab gor puhncha dia. 2000main bahali ke mansubon ki mada ka sab se eham zariya bain ul akwami imdad hi thi. Bain ul akwami imdad ne khite main gizai paidawar ki musalsal kami aur kahat ki surat hal se nipatne ke liye eham kirdar ada kia. 21 augest 2001 ko saleeb ahmer ne ilan kia ke kahat tajikistan ko nishana bana raha hai aur Tajikistan aur azbikistan ke liye bain ul akwami imdad ka mutalba kia. Khana jangi ke bad Tajikistan maishat taizi se taraki kar rahi hai. Almi bank ke adad o shumar ke mutabik 2000se 2004 ke darmiyan tajikistan ke G D P main 9.6% salana ke hisab se izafa horaha hai.

Adad o Shumar

Tajikistan ki abadi July 2006 ke andazon ke mutabik 7,320,815 hai sab se bara nasli gar wo Tajik hai. Jabke Azbik bashindon ki bari tadad bhi tajikistan main rahaish pazer hai. Roosiyon ki thori si abadi bhi yaha rahti hai jo hai jo hijrat ke bais kam hoti ja rahi hai. Mulk ki bazabta zaban tajik farsi hai jabke karobari o hakumati mamlat main roosi zaban bhi bare paimane par istamal hoti hai. Gurbat ke bawjood tajikistan main khawandgi ki sharah bohat zayada hai aur takriban 98 fesad abadi likhne o parhne ki salahiyat rakhti hai. Mulk ki aksar abadi islam ki pairwi karti hai jin main suni bohat bari aksiriyat main hain jabke shia mukhtasir akliyat main hain bukhari yahoodi dusri sadi kabal masih se is ilake main rahte hain taham aj inki tadad ochand sohi hai.

Reactions: 
, ,

0 comments :

Like Us

Company

Legal Stuff

FAQ's

Blogroll

Subscribe to Newsletter

We'll never share your Email address.
© 2016 Urdu Roman Hindi English Site. Online content. Published By LalGulab.com.