Khwab Mein Saanp Dekhna Snake Ko Marna Ki Tabeer In Urdu Saanp Kala Safed White Black

  Lal Gulab      

Khwab Mein Saanp Ko Dekhna In Urdu Tabeer Khwab Mein Snake Dekhna

Sanp badkhwah aur posheeda dushman hai aur jis ne apne ghar mein dekha hai tou ghareelu dushman aur jungle mein dekhay tou ajnabi dushman aur saanp se larai ki hai tou dushman se jhagra karay ga. Kisi par ye ghalib aya tou woh apne dushman par fatah na paye ga, saanp ke katne ka matlab hai dushman se nuqsan aur saanp ko marna dushman ko maghloob karna hai aur is ka gosht khana apne mukhalif ka maal khaye ga khair khushi dekhe ga aur is ke do tukray kiye hain tou dushman se insaf kare ga aur agar donon tukray utha liye hain tou us ka maal khaye ga.

Snake ne meharbani se baat ki tou us ko darpaish ajeeb kaam ho ga keh shadi aur khushi dekhay ga aur agar us ne tundi aur teezi se baat ki tou dushman us se jeetay ga aur mara hua saanp dekhna behtar hai is liye keh shar aur afat door hoti hai takleef na ho gi aur agar usay tabaydar paya tou martaba aur bazurgi paye ga.
Agar saanp bhaga hai aur us ko pakar nahin saka tou dushman zaeef hai aur sabz yani green saanp dekhna dushman deendar aur ba imanat hai aur dusray saanpon ke ilawa silver sayah kala saanp yani black snake lashkar par daleel hai aur zard peela saanp yellow snake hai tou bimar surat dushman aur agar surkh laal saanp red snake dekhe tou muashra aur aish pasand dushman aur agar snake ke bohat se paon haim tou mukhalif qawi aur dilawar ho ga  aur bohat se saanp us ke samne jama hain aur us ko satatay hain tou us ke bohat se khaweesh dushman hon ge lekin un se nuqsan nahin dekhe ga aur saanpon ke seeng aur bohat se daant hain tou us ka dushman keena aur bad khaslat ho ga.

Agar woh naak kaan pastan pakhanay ki jagah se nikla tou us ka farzand us ka dushman ho ga aur munh se nikalta wabal e jaan baat karna hai. Safed saanp white snake dushman ko dekhna hai aur black saanp sapahi hai aur us se bhagna aur us ka na dekhna aram aur khushi pana hai aur agar us ne pakra aur dukh nahin diya tou bazurgi pana dushman se aman mein rehna hai.

Hara saanp jisay green snake kehte hain woh agar khwab dekhne wale ka mati hai sapne mein tou khazana milay ga. Asteen se us ka nikalna batata hai keh us ki aulad us ki dushman ho gi. Snake ko marna aur us ka khoon apne jism par milna apne mukhalfeen ka maal hasil karna hai aur agar saanp us ke gireban se ya munh se nikal kar zameen mein ghusa hai tou halak ho ga.

Note - Tabeer Maloom Karain: Koshish ki gayi hai ke saanp dekhne ki tabeer mukamal faraham ki jaye par phir bhi khawab mukhtalif andaz se atay hain agar yahan faraham tabeer main aap ka dream about snake in urdu nahin hai tou aap yahan apna khwab batayain agar tabeer maloom hoi tou batanay se gureez nahin kiya jaye ga par snake ke ilawa koi aur khwab ki maloomat chahte hain tou us article mein ja kar comment karain jis ke mutalik aap ne dream dekha par yahan sirf isi topic par jawabat diye jayain ge is topic ke ilawa kiye gaye sawalat manzoor nahin kiye jayain ge (team - lalgulab)
logoblog

Thanks for reading Khwab Mein Saanp Dekhna Snake Ko Marna Ki Tabeer In Urdu Saanp Kala Safed White Black

4 comments:

  1. a/w mere room me akshar tez hawayein aati rahti hain to dhool bhi aata ha maine aaj khwab me dekha k i aandhi aa rhi ha to mai balcony me nikal kar khada ho gya achanak ek saanp aandhi me udhta hua mere taraf aaya uska clr black tha lekin uske charo taraf safed dhool se ghira hua tha isliye mai clear nhi kar paya ki yeh saanp jab njdik aaya to main dar gya piche hata aur bachne k liye jab haath aage kiyaa to left hand ki little finger me kaat liya mai abhi dar gya tha tabtak wo udte hue mere sir pe kata mara sir kaanpne laga aur main kaanpte hue utha

    ReplyDelete
  2. Salam..mein apne 2 khawabo ki tabeer jana chahti hu aik khawb dedh hafta phele dekha jis mein mene dekha ke ghr k aik kamrey mein buhat sare saanp hain kuch chote aur 2 bade saanp .. bade saanp kale rang k hain aur chote koi laal koi peela rang ka .bade kale saanpo mein se aik ko mein muskil se bottle mein band kar leti hu aur room mei jo chote sanp hai unko bhi .. phr usi room k saath jo washroom attach hai waha jati hu to aik aur kala saanp hota hai utna hi mota aur bada jitna bottle mei band saanp tha aur 2 chote saanp washbasin pe hote hain jo 3 rango k hain jaise rainbow..lal peena aur neela rang.. mein apne ammi k cousin ko bulati hu aur kehti hu inn bade aur 2 chote sanpo ko mar dein meri bottle mei jagah khatam hogai hai to vo kale sanp ko marne lagte hai mein dosre darwaze se bahar nekal jati hu aur bahar wait karti hu bottle mere paas hoti hai aur saanp b usi mein hote hain jo band kiye the aur bottle mein paani b hota hai.phr meri ankh khul gai .. aik khawab kal dekha jis mein ghr mein buhat zayda saanp hain chote bade kaafi sare jo ghoom rahe hain idhar se udhar kisi time nazar ate hain .raat ka time hai .mein aik toka jis se gosht katey hai le k saanpo ko marna shuru kar deti hu chote bade kahi sanp marti hu aik saanp jiska rang sabz hai mota aur ajeeb sa nokila saanp hai uski speed buhat taiz hoti hai mein uska buht peexha karti hu mushkil se vo aik jagah kabu ata hai mein tokey se waar kar k usko kaat deti hu uska sar dhad se juda nai hota thoda sa joda hota hai baki kaat jata hai phr b vo mujhe kat leta hai aur katne k baad mar jata ha .mei foran behan ko jo paas khadi hai usko batati hu aur mujhe hospital le jate hain jaha doc poori tyri k saath mere sar pe khade hain iss intezar mei k zehar ka asar zahir ho to vo illaj karen par zehar ka koi asar mujpe nai zahir hota .phr koi kehta ha yeh saanp zehriya nai hota yeh friendly saanp hota hai .phr meri ankh khul gai . Please inn dono khawabo ki tabeer bata dein mein buhat pareshan hu .shukriya

    ReplyDelete
  3. Mn ny khwab mn daikha mery ghar se zameen se hr bill se sanp nikl rhy hn.. or sanp ziada hoty ja rhy hn mn bht ziada dr rhe hoti hn.. us k bad itny sanp ho jaty hn k guchy sanpo k nikl rhy hoty hn.. mery sb ghar waly or sanp zameen k andar dafan ho jaty hn.. or phir mn kisi tarah bahr nikl jati hn or bhag jati hn phir yaad ata ha mera bhai sanpo k sath ha mn usy nikalny k liay waps ati hn zameen se surakh kr k bhai ko nikalti hn.. phir yaad ata ha k meri to ammi b zameen k andar ha phir un ko nikal leti hn.. sanpo k dhair zameen mn mojood hoty hn latadaad sanp hoty hn halky yellow color k.. phir ahsta ahsta sb ghar walo ko bahr nikal lety hn or sanp zameen k andar rh jaty hn or hm wahan se chaly jaty hn..

    ReplyDelete
  4. Aoa mainy khawb dekha ha k aik sheesy k box main 2 sanp band hai aik red clr ka r aik black jaisy hi wo mjhy dkhty ha sheesha tor k bhr a jaty ha main bhaag k agy jati hn wahan 3 aur choty sanp nzr aty ha aik ko maar dti hn r bake 2 pani sy maar jty

    ReplyDelete