Saturday, October 24, 2015

Forex Trading Tips In Urdu Learn Forex Trading In Pakistan Tutorial Guide Review

Lal Gulab     9:16 PM     No comments

Forex Trading Tips In Urdu - How To Star Forex Trading Kya Hai

What is Forex Trading In Urdu From Home In Pakistan: Ye aik munafa bakhsh international karobar hai aur intihai sada aur asan hai. Is ke liye kisi bare setup ya office ki zaroorat nahin aur na hi is ke liye bohat zayada paise investment ki zarorat hai. Aap thori se raqam se ghar baithe is karobar ko shuru kar sakte hain. Is ke liye sirf aap ke paas computer aur internet hona zaroori hai kyoun ke ye karobar computer par online hota hai.

Is ke liye waqt ki koi pabandi nahin hai kyoun ke ye aik international karobar hai is ke liye is ki market din mein 23 hours khuli rehti hai aap ka jub dil chahe is mein trading kar sakte hain.

Forex market har waqt online rehti hai chahe aap online hon ya na hon. Aap ka computer on ho ya na ho lekin server aur aap ka broker har waqt online rehta hai. Forex trading ki achi baat jo aam business trading se mukhtalif hai keh aap is mein apna nuqsan aur munafa control kar sakte hain.

Misal ke tor par aap samajh rahe hain keh dollar ke rate abhi mazeed nechay jayien gey aur phir uper ayien gey. Aur aap chahte hain keh is ko mazeed nechay wale rate par khareeda jaye takeh zayada munafa ho. Lekin jub rate nechay ayien gey us waqt aap so rahe hon gey ya bijli nahin ho gi waghera. Aap apna order book kar dain gey nechay wale rate par dollar khareedne ka. Junhi us rate par dollar aye ga aap ki trade ho jaye gi chahe aap ka computer band ho. Aur jub aap dekhain gey keh dollar ke rates uper aa gaye hain tou aap trade ko munafa mein kaat dain gey.

Forex Trading Ka Business Review: Aap soch rahe hon gey keh ye kon sa karobar hai is mein kya karna pare ga? Aap yaqeenan Money Changing ke karobar se waqif hon gey aaj kal gali kuchon mein ye karobar chal raha hai aur is ke baghair guzara bhi mushkil hai. Zahir hai jo bhi bahir mulk se koi tourist hamare mulk aye ga us ke paas tou apne mulk ki currency ho gi aur us ko yahan khareedari ke liye is mulk ki currency chahiye tou woh money changer ke paas jaye ga.

Misal ke tor par koi banda USA se aaya hai aur us ke paas dollars hain aur us ko rupees mein tabdeel karwana chahta hai tou woh money changer ke paas ja kar tabdeer karwaye ga tou us mein 2 soday hon gey 1 woh money changer ko dollar bechay ga. 2 woh money changer se rupees khareeday ga is khareed o farokh mein money changer ko jo bachat ho gi woh us ka munafa ho ga aur is tarah din mein kayi gahak us ke paas ayien gey aur youn us ka munafa zayada ho jaye ga.

Forex trading bhi bas is tarah ka aik karobar hai jis mein aap currency ka karobar karte hain aik currency khareedte hain tou dusri farokht kar dete hain.

Forex Trading Kese Shuru Ki Jaye: Yaqeenan aap ko forex tradaing samajh agayi ho gi ab is se agla marhla hai keh is karobar ko kaise shuru karain. Misal ke tor par money exchange ka business karne ke liye aap ko sarmaya ke ilawa aik aise alaqay aur jagah par office ya shop banani parti hai jahan aap ka karobar zayada chalay isi tarah forex ke karobar ko shuru karne ke liye aap ko kisi bhi registered achi shohrat ke hamil international broker ke paas account kholna parta hai.

Account Kholne Ke Liye Kam Az Kam Investment: Koshish karain ke kam se kam sarmaya se karobar shuru kiya jaye takeh agar karobar mein nakami ki surat mein zayada nuqsan na ho. Aap ko dekhna pare ga ke kon sa forex broker kam paison mein aap ka account open kare ga.

Account Mein Paise Bhejne Aur Nikalwane Ka Tarika: Dunya mein paise bhejne ke bohat se tarikay hain aap bank se bhi paise bheej sakte hain aur mangwa sakte hain lekin is se bohat mehnga parta hai sub se asan tarika se paise bheejne ke liye hum se rabta karain.

Forex Trading Strategies - Khareedne Aur Bechnay Ke Darmiyan Currency Ka Farq:
Bari aham baat jo trading ke doran aap ko samajh aye gi woh hai spread yani khareedne aur bechnay ke darmiyan currency rates ka farq. Ye farq 0 se lay kar 6 tak ho sakta hai farq se murad maslan aap ne dollar khareedna hai tou is ka rate aur ho ga jese 1.3104 aur jub bechna hai tou is ka rate aur ho ga jese 1.3101 aap ne dekha keh donon rates mein 3 ka farq hai is ko forex mein spread kehte hain. Ache broker ka spread hamesha munasib ho ga.

Baaz dafa ye hota hai keh un ka spread 0 ho ga lekin jub market tezi mein aye gi tou us waqt ka un ka spread barh jata hai jo keh 6 bhi ho sakta hai is baat ka khayal rakha jaye. Kyoun keh jo cheez aap ne khareedi hai woh bechni bhi hai aur agar us mein spread kam ho ga tou woh aap ko jaldi faida de ga.

Market Reports:
Trading ke liye aap apne tajarbay, charts waghera ke ilawa market ki taza surat haal mulkon ke halaat waghera se bhi aap ko bakhabar rehna parta tha. Agar aap ko anay wale halaat se mutaliq khabrain nahin hon gi tou aap forex trading nahin kar sakte.

Best Forex Trading Sites In Pakistan:
Wese tou kafi forex broker sites hain jese ke fbs, instaforex, etoro, fxcm waghera aap agar in mein se kisi site par kaam karna chahain tou apni zumaidari par karain umeed hai aap ko is article se kafi help mili ho gi.


Note: Ye mazmoon sirf aur sirf forex trading ko samajhne mein madad ke liye likha gaya hai kisi qisam ke faide ya nuqsan ki koi zumaidari nahin aur na hi kisi bhi batai gayi site ki koi zumairadi hai.

Reactions: 
, , ,

0 comments :

Like Us

Company

Legal Stuff

FAQ's

Blogroll

Subscribe to Newsletter

We'll never share your Email address.
© 2016 Urdu Roman Hindi English Site. Online content. Published By LalGulab.com.