Tuesday, September 1, 2015

Niagara Falls History In Urdu Niagara Falls Information Niagara Falls Wallpapers Travel Guide

Lal Gulab     3:55 AM     No comments

Niagara Falls Wallpapers &

Niagara Falls History In Urdu: Niagara Falls bar-e-azam shumali amreeca mein Canada aur riyasat haye mutehda America ki sarhad par waqia dunya ki mashoor tareen abshar, jisay husn ka azeem shahkar aur dunya ke qudrati ajaibaat mein se aik samjha jata hai aur ye dunya mein seyahon ke pasandeeda tareen muqamat mein bhi shamil hai. Ye abshar Canada ke sobah Ontario aur America ki riyasat New York ke darmiyan waqia hai.
Niagara Falls Picture

Isay pehli baar 1678 mein Louis nami shakhs ne daryaft kiya aur 1759 mein aik aur shakhs ne yahan aik qila "Fort County" qaim kiya jis ka naam baad azan "Fort Niagara" ho gya. Angreezon ne Sir William Jhonson ki zair qayadat jang mein ye qila Franciciyon se cheena. 1819 mein Darya-e-Niagara ko America aur Canada ke darmiyan sarhad tasleem kiya gya aur 1848 mein Niagara ko qasbay ka darja de diya gyal. Yehi qasba 1892 mein shehar ka roop ikhtyar kar gya.
niagara falls history in hindi

How To Reach Niagara Falls - Naigra Falls Pohanchne Ka Tarika: America aur Canada se bazariya hawai jahaz, sarak ya rail gari niagara pohancha ja sakgta hai. Donon mumalik ke darmiyan bazariya niagara rabta rail se hi hai jahan niagara par 2 bridges waqia hain jin mein se "qaus e qaza" pul bohat famous hai jo 1941 mein tameer hua aur is ka tameerati husn aaj bhi qaim hai aur ye pul donon mulkon ke darmiyan masroof tareen guzar gah hai.

Niagara Fall ka zayada haseen hisa Canada ki janib hai jis ke liye qaus e qaza pul se bazariya car ya paidal Canada mein dakhil hua ja sakta hai. Donon mulkon ke shehriyon ko sarhad aboor karne ke liye visa ki zaroorat nahin hoti jabkeh degar mumalik ke bashindon ke liye visa lazmi hai.

Niagara Falls Information In Urdu: Darya-e-Niagara bar-e-azam ki azeem jheelon mein se 2 jheelon Ari aur Ongtario ko milata hai. Darasal niagara abshar ke 3 baray hisay hain jin mein sub se bara aur mutasir karne wala hisa Canada ki janib hai. Is abshar ki lambai 173 foot aur chorai 2500 foot hai. Amrerica ki janib behnay wali abshar ko Amreeci Abshar kehte hain jis ki lambai 182 foot hai chorai 1100 foot hai. Teesri choti abshar bridal veil kehlati hai. In teenon absharon se per second 202,000 cubic feet pani nechay girta hai jo 180 foot ki unchai se nechay aata hai aur isi azeem nazaray ko dekhne ke liye dunya bhar se andazan 40 lack tourists har saal yahan atay hain. Kashti ke zariye tourists niagara ka bohat qareeb se nazara bhi kar saktay hain jabkeh anshar ke pani se bannay wali haseen qaus e qaza ka fizai nazara karwane ke liye helicopters ki parwazain bhi hoti hain. Niagara abshar ka alaqa donon mulkon mein qaumi park ka darja rakhta hai.

Images And Niagara Falls Wallpapers Gallery

Reactions: 
, ,

0 comments :

Like Us

Company

Legal Stuff

FAQ's

Blogroll

Subscribe to Newsletter

We'll never share your Email address.
© 2016 Urdu Roman Hindi English Site. Online content. Published By LalGulab.com.